អ៊ុយក្រែន​ព្រមាន​ថា កិច្ច​ចរចា​សន្តិភាព​ជាមួយ​រុស្ស៊ី​ កំពុងស្ថិត​ក្នុង​គ្រោះថ្នាក់​នៃ​ការ​ដួលរលំ

ប្រទេសអ៊ុយក្រែន​បាន​ព្រមាន​ថា កិច្ច​ចរចា​សន្តិភាព​ជាមួយ​ទីក្រុងមូស្គូ​ កំពុងស្ថិត​ក្នុង​គ្រោះថ្នាក់​នៃ​ការ​ដួលរលំ។

កងកម្លាំងរុស្ស៊ី បានបង្វែរគោលដៅរបស់ពួកគេទៅភាគខាងកើត និងខាងត្បូងប្រទេសអ៊ុយក្រែនវិញ បន្ទាប់ពីបរាជ័យក្នុងការដណ្តើមយករដ្ឋធានី នៅក្នុងការវាយលុករយៈពេលប្រាំបួនសប្តាហ៍។

ទីក្រុងមូស្គូបានដណ្តើមកាន់កាប់ទីក្រុង Kherson ភាគខាងត្បូងប្រទេសអ៊ុយក្រែន ហើយកងកម្លាំងរបស់ខ្លួនក៏បានកាន់កាប់ទីក្រុងកំពង់ផែភាគខាងកើត Mariupol ជាកន្លែងដែលកិច្ចខិតខំប្រឹងប្រែងរបស់អង្គការសហប្រជាជាតិ កំពុងដំណើរការដើម្បីជម្លៀសជនស៊ីវិលផងដែរ។

អ៊ុយក្រែន និងរុស្ស៊ី មិនបានបើកកិច្ចចរចាសន្តិភាពទល់មុខគ្នាទេ ចាប់តាំងពីថ្ងៃទី ២៩ ខែមីនាមក ហើយបរិយាកាសកាន់តែអាប់អួ ជុំវិញការចោទប្រកាន់របស់អ៊ុយក្រែនថា ទាហានរុស្ស៊ីបានប្រព្រឹត្តអំពើឃោរឃៅ។

ទោះបីជាយ៉ាងណាក៏ដោយ ទីក្រុងមូស្គូបានបដិសេធការអះអាងនេះ។

ថ្លែងទៅកាន់អ្នកកាសែតក្នុងប្រទេសប៉ូឡូញ ប្រធានាធិបតីអ៊ុយក្រែនលោក Volodymyr Zelensky បានសម្តែងទុទិដ្ឋិនិយមចំពោះលទ្ធភាពនៃការបន្តកិច្ចចរចាជាមួយរុស្ស៊ី។

លោកនិយាយថា ហានិភ័យដែលថាកិច្ចពិភាក្សានឹងត្រូវបញ្ចប់ គឺខ្ពស់ណាស់ ដោយសារតែរុស្ស៊ី សម្លាប់មនុស្ស៕

ប្រែសម្រួល៖ Vann Vann

ប្រភព៖ SKY

ចុចអាន៖ ប៉ុស្តិ៍ត្រួតពិនិត្យរុស្ស៊ី នៅជាប់ព្រំដែនអ៊ុយក្រែន រងការបាញ់ផ្លោង