ចិនធ្វើតេស្តមនុស្សជាង៤លាននាក់ក្នុងមួយទីក្រុងបន្ទាប់ពីផ្ទុះកូវីដនៅ ស៊ីនជាំង – Kampuchea Thmey Daily
Connect with us

ព័ត៌មានអន្ដរជាតិ

ចិនធ្វើតេស្តមនុស្សជាង៤លាននាក់ក្នុងមួយទីក្រុងបន្ទាប់ពីផ្ទុះកូវីដនៅ ស៊ីនជាំង

Published

on

ជាថ្មីម្តងទៀត ប្រទេសចិនបានចាប់ផ្តើមការធ្វើតេស្តទ្រង់ទ្រាយធំរកវីរុសកូរ៉ូណានៅក្នុងទីក្រុងមួយទាំងមូលស្របពេលមានការផ្ទុះឡើងនៃជំងឺកូវីដ១៩ក្នុងតំបន់នៃខេត្ត ស៊ីនជាំង។

មនុស្សប្រហែល៤.៧លាននាក់ក្នុងទីក្រុង Kashgar កំពុងត្រូវបានធ្វើតេស្តខណៈគិតត្រឹមពេលនេះ មានករណីមិនបង្ហាញរោគសញ្ញាចំនួន១៣៨ករណីត្រូវបានរកឃើញ។

ប្រទេសចិនទទួលបានជោគជ័យយ៉ាងខ្លាំងក្នុងការទប់ស្កាត់អត្រាឆ្លងឲ្យថយចុះប៉ុន្តែនៅតែបន្តមានការផ្ទុះឡើងតូចៗ។

ស៊ីនជាំង គឺជាតំបន់របស់ជនជាតិភាគតិចកាន់សាសនាឥស្លាម អ៊ុយហ្គ័រ របស់ប្រទេសចិនហើយពួកគេត្រូវបានក្រុមសិទិ្ធមនុស្សនិយាយថា កំពុងទទួលរងការធ្វើទុក្ខបុកម្នេញដោយរដ្ឋាភិបាលទីក្រុងប៉េកាំង។

សាលារៀននៅទីក្រុង Kashgar បានបិទទ្វារហើយប្រជាជនមិនត្រូវបានអនុញ្ញាតឲ្យចាកចេញពីទីក្រុងទេលើកលែងតែពួកគេមានលិខិតបញ្ជាក់ តេស្តអវិជ្ជមាន។

ករណីដំបូងនៃការផ្ទុះឡើងនៅ Kashgar គឺស្ត្រីមិនបង្ហាញរោគសញ្ញាម្នាក់ដែលធ្វើការនៅរោងចក្រកាត់ដេរមួយកន្លែងក្នុងតំបន់ Shufu។

ស្ត្រីរូបនេះគឺជាករណីដំបូងគេដែលត្រូវបានរកឃើញនៅចិនដីគោកក្នុងរយៈពេល១០ថ្ងៃ។

ការធ្វើតេស្តទ្រង់ទ្រាយធំដែលចាប់ផ្តើមកាលពីថ្ងៃសៅរ៍បានរកឃើញករណីមិនបង្ហាញរោគសញ្ញាចំនួន១៣៧ករណីផ្សេងទៀត។

គួរបញ្ជាក់ថា ករណីមិនបង្ហាញរោគសញ្ញាមិនត្រូវបានរាប់បញ្ចូលទៅក្នុងចំនួនសរុបជាផ្លូវការរបស់ប្រទេសចិនទេ។ ចិនមានការឆ្លងជំងឺកូវីដ១៩ចំនួន៨៥,៨១៩ករណីខណៈមានអ្នកស្លាប់៤,៦៣៤នាក់៕

ប្រែសម្រួលដោយ៖ Vann Vann

ប្រភព៖ BBC

ចុច Like Facebook កម្ពុជាថ្មី

ព័ត៌មានជាតិ18 mins ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ39 mins ago

ក្មេងទំនើងមួយក្រុម​ ខឹង​ស៊ីផ្លេ​សុំផ្លូវ យក​ដុំថ្មគប់បែក​កញ្ចក់​ឡាន​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ1 hour ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ2 hours ago

ព្រឹកស្អែក​នេះ លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន

ព័ត៌មានជាតិ2 hours ago

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

ព័ត៌មានពេញនិយម