រុស្ស៊ីប្រាប់ថា ប្រជាជនម៉ុលដាវី គួរតែព្រួយបារម្ភអំពីអនាគតរបស់ពួកគេ

រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយថា ជនជាតិម៉ុលដាវី គួរតែព្រួយបារម្ភអំពីអនាគតរបស់ពួកគេ ខណៈពួកគេកំពុងត្រូវបានអូសទាញចូលទៅក្នុងអង្គការ ណាតូ។

ការផ្ទុះដ៏អាថ៌កំបាំងនៅតំបន់ Transnistria ដែលជាទឹកដីបំបែកខ្លួនគាំទ្រដោយរុស្ស៊ី នៅប្រទេស ម៉ុលដាវី ជាប់ព្រំដែនអ៊ុយក្រែន បានបង្កឲ្យមានការភ័យខ្លាចនៅដើមសប្តាហ៍នេះ អំពីជម្លោះរីករាលដាល។

ដោយឡែក លោក Lavrov ក៏និយាយផងដែរថា ដៃគូសំខាន់ៗរបស់រុស្ស៊ី ភាគច្រើនបានយល់ព្រមប្រើវិធីបង់ប្រាក់សម្រាប់ឧស្ម័នធម្មជាតិ ដែលស្នើសុំដោយទីក្រុងមូស្គូរួចហើយ។

នៅដើមសប្តាហ៍នេះ រុស្ស៊ីបាននិយាយថា ខ្លួនលែងផ្គត់ផ្គង់ឧស្ម័នទៅឲ្យប៉ូឡូញ និងប៊ុលហ្គារីទៀតហើយ បន្ទាប់ពីប្រទេសទាំងនោះ បដិសេធទូទាត់សម្រាប់ការផ្គត់ផ្គង់របស់ពួកគេ ជាប្រាក់ រូបិ៍ល។

យ៉ាងណាក្តី សហភាព​អឺរ៉ុប​​និយាយ​ថា ខ្លួន​ចាត់​ទុក​ចំណាត់​ការ​នេះ​ថា ​ជា​ទម្រង់​នៃ​ការ​គំរាម​កំហែង៕

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី ចាត់ទុក ការ ដឹកជញ្ជូន សព្វាវុធ បរទេស ទៅ ឲ្យអ៊ុយក្រែន ជា “គោលដៅ ស្របច្បាប់” ដើម្បីវាយប្រហារ