រុស្ស៊ី នឹងទូទាត់ប្រាក់ឲ្យអតីតយុទ្ធជនសម័យសង្គ្រាមលោកលើកទី ២ ដែលរស់នៅផ្នែកខ្លះរបស់អ៊ុយក្រែន

រុស្ស៊ីនឹងចេញការទូទាត់ដល់អតីតយុទ្ធជនសង្គ្រាមលោកលើកទី ២ ដែលរស់នៅក្នុងតំបន់ Donetsk និង Luhansk ភាគខាងកើតអ៊ុយក្រែន ដែលភាគច្រើនត្រូវបានគ្រប់គ្រងដោយពួកសកម្មប្រយុទ្ធដែលគាំទ្ររុស្ស៊ី ក៏ដូចជាតំបន់ផ្សេងទៀតដែលរុស្ស៊ីអះអាងថាស្ថិតនៅក្រោមការគ្រប់គ្រងរបស់ខ្លួន ។

ការិយាល័យប្រធានាធិបតីនិយាយថា លោក វ្ល៉ាឌីមៀ ពូទីន បានចុះហត្ថលេខាលើក្រឹត្យមួយកាលពីថ្ងៃសៅរ៍ ដោយបញ្ជាក់ពីការទូទាត់ប្រាក់ចំនួន ១០,០០០ រូបិ៍ល ឬប្រហែល ១៣០ ដុល្លារក្នុងម្នាក់ ។

ការិយាល័យនិយាយថា ការបង់ប្រាក់នេះគឺដើម្បីប្រារព្ធខួបលើកទី ៧៧ នៃទិវាជ័យជម្នះរបស់សហភាពសូវៀតលើពួកណាស៊ីអាល្លឺម៉ង់ក្នុងសង្គ្រាមលោកលើកទី ២ នៅថ្ងៃទី ៩ ខែឧសភា ។

ជាក់ស្តែងរុស្ស៊ីកំពុងបង្កើនការវាយលុករបស់ពួកគេនៅក្នុងផ្នែកភាគខាងកើតនៃអ៊ុយក្រែនក្នុងកិច្ចប្រឹងប្រែងដើម្បីបង្ហាញការគ្រប់គ្រងទាំងស្រុងនៅក្នុងតំបន់ទាំងនោះ មុនទិវាជ័យជម្នះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ យន្តហោះយោធា រុស្ស៊ី រំលោភដែនអាកាសប្រទេសអឺរ៉ុបកំពុងពិចារណាចូល ណាតូ