អនាគតទ្វីប អឺរ៉ុប ទាំងមូលពឹងលើសង្គ្រាមនៅ អ៊ុយក្រែន

លោក Nicu Popescu រដ្ឋ​មន្ត្រី​ការ​បរទេស​របស់​ប្រទេសម៉ុលដាវីបាន​និយាយ​ថា អនាគត​របស់​អឺរ៉ុប​ស្ថិត​នៅ​លើ​របៀប​ដែល​សង្រ្គាម​នៅ​អ៊ុយក្រែន​បញ្ចប់ ។

លោក Popescu បានប្រាប់ទូរទស្សន៍ Sky News របស់អង់គ្លេសថា “អនាគតនៃទ្វីបអឺរ៉ុបទាំងមូលពឹងផ្អែកលើសមត្ថភាពរបស់អ៊ុយក្រែនក្នុងការរក្សាប្រព័ន្ធនយោបាយ ប្រទេសរបស់ខ្លួន និងភាពធន់របស់ប្រទេសជាដើម” ។

ប្រទេសម៉ុលដាវីបាននឹងកំពុងឃ្លាំមើលជម្លោះនៅអ៊ុយក្រែនយ៉ាងដិតដល់ ជាពិសេសបន្ទាប់ពីមន្ត្រីយោធាជាន់ខ្ពស់រុស្ស៊ីម្នាក់បាននិយាយថា កងកម្លាំងរុស្ស៊ីមានបំណងគ្រប់គ្រងភាគខាងត្បូងអ៊ុយក្រែនទាំងស្រុង ជាពិសេសការបើកច្រករបៀងទៅកាន់តំបន់ផ្តាច់ខ្លួន Transnistria ដែលរុស្ស៊ីមានកងទ័ពឈរជើងនៅទីនោះ ។

គួរបញ្ជាក់ថា Transnistria ដែលជាតំបន់មានប្រជាជនប្រហែល ៤៧០,០០០ រវាងម៉ុលដាវី និងអ៊ុយក្រែន បានស្ថិតនៅក្រោមការគ្រប់គ្រងរបស់ក្រុមបំបែកខ្លួន ចាប់តាំងពីសង្រ្គាមឆ្នាំ ១៩៩២ ជាមួយម៉ុលដាវី ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ រុស្ស៊ី នឹងទូទាត់ប្រាក់ឲ្យអតីតយុទ្ធជនសម័យសង្គ្រាមលោកលើកទី ២ ដែលរស់នៅផ្នែកខ្លះរបស់អ៊ុយក្រែន