ព័ត៌មានអន្ដរជាតិ

សមាជិកសភាអង់គ្លេសម្នាក់លាឈប់ ក្រោយមើលរឿងអាសអាភាសក្នុងសភា

បានផុស

២ years មុន

នៅ

ថ្ងៃចន្ទ ២ ឧសភា ២០២២

ដោយ

សមាជិកសភាមួយរូបពីគណបក្សអភិរក្សរបស់លោកនាយករដ្ឋមន្ត្រីអង់គ្លេស Boris Johnson គឺ លោក Neil Parish កាលពីថ្ងៃសៅរ៍បាននិយាយថា លោកនឹងលាឈប់ បន្ទាប់ពីទទួលស្គាល់ពីការបានមើលរឿងអាសអាភាសពីរដងក្នុងសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Parish បានប្រាប់សារព័ត៌មាន BBC ថា លើកទី១លោកបានមើលឃើញដោយចៃដន្យនៅពេលលោកបានព្យាយាមរុករកត្រាក់ទ័រកសិកម្ម ប៉ុន្តែលើកទី២គឺលោកបានមើលដោយចេតនាតែម្តង។

រដ្ឋាភិបាលរបស់លោកនាយករដ្ឋមន្ត្រី Johnson មួយរយៈពេលចុងក្រោយនេះជួបនឹងរឿងអាស្រូវជាបន្តបន្ទាប់ មុនពេលមានការបោះឆ្នោតក្នុងស្រុកដ៏សំខាន់។ ប៉ុន្មាន សប្តាហ៍កន្លងទៅនេះ លោកនាយករដ្ឋមន្ត្រីខ្លួនឯងក៏ទើបតែត្រូវបានពិន័យពីបទបំពានច្បាប់កូវីដ-១៩កាលពីឆ្នាំ២០២០ ហើយប្រឈមនឹងការស៊ើបអង្កេតជុំវិញបទចោទប្រកាន់ថាតើលោកបានបំភាន់សភាអំពីការជួបជុំជប់លៀងនៅ Downing Street។

កាលថ្ងៃសៅរ៍ លោក Parish បានទទួលស្គាល់ថា ឥរិយាបថរបស់លោកនៅក្នុងសភាគឺខុសទាំងស្រុង។ «ស្ថានភាពគឺថា ខ្ញុំពិតជាហួសចិត្តណាស់ វាជាឡានត្រាក់ទ័រដែលខ្ញុំកំពុងរកមើល។ ហើយខ្ញុំក៏ចូលទៅវេបសាយមួយទៀតដែលមានឈ្មោះស្រដៀងគ្នា។ ហើយខ្ញុំក៏បានមើលបន្តិច ដែលខ្ញុំមិនគួរមើលសោះ»។

«ឧក្រិដ្ឋកម្មដ៏ធំបំផុតរបស់ខ្ញុំគឺថា ពេលមួយទៀត ខ្ញុំក៏បានចូលមើលជាលើកទី២។ ហើយនោះជាចេតនាតែម្តង»។ លោកបាននិយាយ និងចាត់ទុកថា ជាពេលឆ្គួត និងខុសទាំងស្រុង៕

ប្រែសម្រួល៖ វីរបុត្រ
ប្រភព៖ CNN

Related Topics:ចក្រភពអង់គ្លេស