ការផ្ទុះ អង្រួនប្រទេសជិតខាងអ៊ុយក្រែន គេបារម្ភថា នោះអាចជាគោលដៅបន្ទាប់របស់ រុស្ស៊ី

រុស្ស៊ី កាលពីម្សិលមិញបានបង្កការភ័យខ្លាចថា ប្រទេស ម៉ុលដាវី អាចនឹងជាគោលដៅបន្ទាប់ របស់លោក ពូទីន ក្រោយពេលការផ្ទុះ បានអង្រួនប្រទេសដ៏តូចនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលត្រូវបានសួរអំពីហានិភ័យនៃសង្គ្រាម ហៀរចូលទៅក្នុងប្រទេសជិតខាងរបស់អ៊ុយក្រែនបន្ទាប់ពីការផ្ទុះបានវាយប្រហារតំបន់ Transnistria របស់ម៉ុលដាវី, រដ្ឋមន្ត្រីការបរទេសរុស្ស៊ីលោក Sergei Lavrov បានប្រាប់ទូរទស្សន៍អារ៉ាប៊ីសាអូឌីតថា “ប្រជាជនម៉ុលដាវី គួរតែព្រួយបារម្ភអំពីអនាគតរបស់ពួកគេ ព្រោះ​គេកំពុង​ត្រូវ​បាន​​ទាញ​ចូល​ទៅក្នុង​ណាតូ”។

Transnistria គឺជាតំបន់បំបែកខ្លួននៅភាគខាងកើតប្រទេសម៉ុលដាវី និងជាកន្លែងដែលជនជាតិអ៊ុយក្រែន និងរុស្សីមានចំនួនច្រើនជាងជនជាតិ ម៉ុលដាវី។

ភាពតានតឹងបានកើតឡើង នៅពេលរដ្ឋមន្ត្រីការពារជាតិអង់គ្លេសលោក Ben Wallace បានព្យាករណ៍ថា លោក ពូទីន អាចប្រើប្រាស់ទិវាជ័យជម្នះរបស់រុស្ស៊ី ដើម្បីប្រកាសបង្កើនការវាយលុកអ៊ុយក្រែន ហើយប្រហែលជាបើកប្រតិបត្តិការថ្មី។

លោក Wallace និយាយថា ប្រធានាធិបតីរុស្សី អាចនឹងប្រកាសសង្រ្គាមលើពួកណាស៊ី ពិភពលោក នៅឯក្បួនដង្ហែថ្ងៃទី៩ខែឧសភា ដែលជាថ្ងៃទីក្រុងមូស្គូ អបអរជ័យជម្នះរបស់សហភាពសូវៀតលើ ហ៊ីត្លែរ។

លោក Wallace បានប្រាប់វិទ្យុ LBC ថា “ខ្ញុំនឹងមិនភ្ញាក់ផ្អើលទេ គាត់ប្រហែលជានឹងប្រកាសនៅទិវាជ័យជម្នះថា ឥឡូវនេះយើងកំពុងធ្វើសង្រ្គាមជាមួយ ពួកណាស៊ីរបស់ពិភពលោកហើយយើងត្រូវការប្រមូលផ្តុំប្រជាជនរុស្ស៊ីយ៉ាងច្រើន”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ Angelina Jolie ជួបរឿងភ័យ សភ្នែក នៅ អ៊ុយក្រែន (មានវីដេអូ)