ព័ត៌មានអន្ដរជាតិ
ប្រជាជន អ៊ុយក្រែន កំពុងខ្វះសាំងចាក់ ហ្គារាស់ខ្លះលែងមានតែម្ដង
ប្រជាពលរដ្ឋក្នុងប្រទេសអ៊ុយក្រែនកំពុងប្រឈមមុខនឹងការខ្វះខាតប្រេងសាំង និងផលិតផលឥន្ធនៈផ្សេងទៀតកាន់តែធ្ងន់ធ្ងរ ចំពេលមានសង្គ្រាមលុកលុយរបស់រុស្ស៊ីកំពុងអូសបន្លាយពេលជាង ២ ខែមកនេះ ។

ក្រុមអ្នកសារព័ត៌មានជប៉ុន NHK នៅប្រទេសអ៊ុយក្រែនបានឃើញរថយន្តតម្រង់ជួរយ៉ាងវែងរង់ចាំចាក់ប្រេងនៅស្ថានីយ៍ឥន្ធនៈក្នុងរដ្ឋធានីកៀវ ខណៈហ្គារ៉ាសមួយចំនួនបានដាក់សញ្ញាថាលែងមានហ្គាសចាក់ទៀតហើយ ។
ចំណែករឿងរ៉ាវនៅពីក្រោយការខ្វះខាតនេះ គឺដោយសារការវាយប្រហារដោយកាំជ្រួចមីស៊ីលរបស់រុស្ស៊ីលើរោងចក្រចម្រាញ់ប្រេងមួយកន្លែងនៅភាគកណ្តាលអ៊ុយក្រែនកាលពីខែមុន ។

ចាប់តាំងពីពេលនោះមក រោងចក្រចម្រាញ់ប្រេងដែលជារោងចក្រដ៏ធំបំផុតមួយរបស់ប្រទេសបានឈប់ដំណើរការ ខណៈការនាំចូលឥន្ធនៈក៏មានការឡើងថ្លៃផងដែរ ដោយសារតែការនាំចូលប្រេងទាំងនោះពីអឺរ៉ុបមានការលំបាកខ្លាំង ។
ទន្ទឹមនោះបុរសម្នាក់ដែលកំពុងរង់ចាំនៅស្ថានីយប្រេងមួយកន្លែងបានបន្ទោសការវាយប្រហាររបស់រុស្ស៊ីចំពោះការខ្វះខាតនេះ ដោយនិយាយថា បច្ចុប្បន្នប្រេងសាំងត្រូវតែនាំចូលពីចម្ងាយជាង ៥០០ គីឡូម៉ែត្រ ហើយការទទួលបានក៏តិចតួចផងដែរ ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលជាង ២ ខែមកហើយ បន្ទាប់ពីទីក្រុងមូស្គូបានចាប់ផ្ដើមការវាយប្រហារលើទីក្រុងកៀវកាលពីថ្ងៃទី ២៤ ខែកុម្ភៈ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ប្រទេសក្បែរខាងកម្ពុជាផ្ដល់ជំនួយមនុស្សធម៌ ៥០ ម៉ឺនដុល្លារដល់ អ៊ុយក្រែន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ