លោក ពូទីន ចេញច្បាប់ហាមឃាត់ការនាំចេញផលិតផល និងវត្ថុធាតុដើម ទៅកាន់ប្រទេសមិនមែនសម្ព័ន្ធមិត្ត

ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចុះហត្ថលេខាលើបទបញ្ជាប្រតិបត្តិមួយដោយដាក់វិធានសងសឹកលើសេដ្ឋកិច្ចដើម្បីឆ្លើយតបទៅនឹងសកម្មភាពរបស់រដ្ឋបរទេស និងអង្គការអន្តរជាតិមួយចំនួនដែលមិនមែនជាសម្ព័ន្ធមិត្ត ។

បទបញ្ជាដែលបានចុះហត្ថលេខាកាលពីថ្ងៃអង្គាររួមមានការហាមឃាត់ការនាំចេញផលិតផល និងវត្ថុធាតុដើមទៅកាន់បុគ្គល និងក្រុមហ៊ុនដែលជាគោលដៅ ។

ទន្ទឹមនោះ បទបញ្ជា​នេះ​មិន​បញ្ជាក់​ថា​នរណា​នឹង​ត្រូវ​ដាក់​ទណ្ឌកម្ម​នោះ​ទេ ប៉ុន្តែវាត្រូវបានគេជឿថាមានគោលបំណងទៅលើប្រទេសដែលបានដាក់ទណ្ឌកម្មប្រឆាំងនឹងរុស្ស៊ី បន្ទាប់ពីការលុកលុយរបស់ខ្លួនលើអ៊ុយក្រែន ខណៈប្រទេសទាំងនោះរួមមានសហរដ្ឋអាមេរិក បណ្តាប្រទេសនៅអឺរ៉ុប និងប្រទេសជប៉ុន ។

បទបញ្ជានេះក៏ហាមប្រាមអាជ្ញាធររដ្ឋាភិបាល ក៏ដូចជាក្រុមហ៊ុន និងបុគ្គលរុស្ស៊ីពីការបញ្ចប់កិច្ចសន្យាថ្មី និងការអនុវត្តកាតព្វកិច្ចក្រោមកិច្ចព្រមព្រៀងដែលមានស្រាប់ផងដែរ ខណៈរដ្ឋាភិបាល​ត្រូវ​បាន​ទុក​ពេល​ ១០ ​ថ្ងៃ​ដើម្បី​អនុម័ត​បញ្ជី​ឈ្មោះ​បុគ្គល​ដែល​ត្រូវ​ដាក់​ទណ្ឌកម្ម ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ UN បញ្ចេញតួលេខជនស៊ីវិលស្លាប់ក្នុងសង្គ្រាមលុកលុយរបស់ រុស្ស៊ី លើ អ៊ុយក្រែន