លោក ពូទីន នឹងផ្ទេរអំណាចមួយរយៈពេលខ្លី ដោយសារមូលហេតុនេះ (មានវីដេអូ)

យោងតាមរបាយការណ៍ថ្មីមួយបានឲ្យដឹងថា ប្រធានាធិបតីរុស្ស៊ីលោក វ្ល៉ាឌីមៀ ពូទីន នឹងទទួលការវះកាត់ជំងឺមហារីក ហើយនឹងប្រគល់អំណាចជាបណ្ដោះអាសន្នទៅឲ្យអតីតមេប៉ូលិសសហព័ន្ធមួយរូប ។

បើយោងតាមការបង្ហោះលើបណ្ដាញ Telegram ដែលមានឈ្មោះថា “General SVR” បានឲ្យដឹងថា លោក ពូទីន នឹងផ្ទេរការគ្រប់គ្រងរដ្ឋាភិបាលរបស់រុស្ស៊ីទៅឲ្យលោក Nikolai Patrushev ប្រធានក្រុមប្រឹក្សាសន្តិសុខរបស់សសហព័ន្ធរុស្ស៊ី ក្នុងរយៈពេលខ្លីប៉ុណ្ណោះ ពោលគឺអំឡុងលោកសម្រាកព្យាបាលជំងឺ ។

គណនីដែលត្រូវបានរាយការណ៍ថាគ្រប់គ្រងដោយអតីតឧត្តមសេនីយឯកផ្នែកចារកម្មបរទេសរបស់រុស្ស៊ីបានរាយការណ៍ថា លោក ពូទីន ត្រូវតែទទួលការវះកាត់ជាដាច់ខាត បន្ទាប់ពីមានការណែនាំដោយវេជ្ជបណ្ឌិត ។

ទន្ទឹមនោះមានការសាកសួរជាច្រើនលើលោក ពូទីន ដែលបច្ចុប្បន្នមានវ័យ ៧០ ឆ្នាំអំពីសុខភាពរាងកាយទ្រុឌទ្រោមរបស់លោក ជាពិសេសគឺកាលពីខែមុន នៅពេលដែលលោកត្រូវបានគេមើលឃើញថាកំពុងកាន់តុ ក្នុងអំឡុងពេលកិច្ចប្រជុំជាមួយរដ្ឋមន្ត្រីការពារជាតិលោក Sergei Shoigu ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលជាង ២ ខែមកហើយ បន្ទាប់ពីទីក្រុងមូស្គូបានចាប់ផ្ដើមការវាយប្រហារលើទីក្រុងកៀវកាលពីថ្ងៃទី ២៤ ខែកុម្ភៈ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ New York Post

ចុចអាន ៖ លោក ពូទីន ចេញច្បាប់ហាមឃាត់ការនាំចេញផលិតផល និងវត្ថុធាតុដើម ទៅកាន់ប្រទេសមិនមែនសម្ព័ន្ធមិត្ត