ព័ត៌មានអន្ដរជាតិ

ប្រមុខចារកម្មអ៊ុយក្រែន អះអាងថា សង្គ្រាមមិនចប់ទេ លុះត្រាលោក ពូទីន ស្លាប់

បានផុស

៣ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

ប្រមុខចារកម្មយោធាកំពូលរបស់អ៊ុយក្រែន បានលើកឡើងថា វិធីតែមួយគត់ដែលរុស្ស៊ីនឹងបញ្ឈប់ការលុកលុយដ៏ឃោរឃៅរបស់ខ្លួន គឺលុះត្រាតែលោក វ្ល៉ាឌីមៀរ ពូទីន ស្លាប់។

Budanov said it is 'unrealistic' to expect the Kremlin to completely withdraw its forces from Ukraine — លោក វ្ល៉ាឌីមៀរ ពូទីន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រមុខចារកម្មយោធាអ៊ុយក្រែន លោក Kyrylo Budanov បាននិយាយថា វាមិនប្រាកដប្រជាទេ ដែលត្រូវរំពឹងថា វិមានក្រឹមឡាំងនឹងដកកងកម្លាំងរបស់ខ្លួនចេញពីអ៊ុយក្រែនទាំងស្រុងនោះ។

នៅពេលត្រូវបានសួរថាតើលោកពូទីន អាចបញ្ចប់សង្រ្គាមទាំងនៅរស់ឬក៏អត់ លោក Budanov បានប្រាប់កាសែត The New Voice of Ukraine ថា “ការទុកផ្លូវឲ្យលោក ពូទីន ដកទ័ព គឺជាយុទ្ធសាស្រ្តមួយ ប៉ុន្តែវាស្ទើរតែមិនអាចទៅរួច។ គាត់គឺជាឧក្រិដ្ឋជនសង្គ្រាម សម្រាប់ពិភពលោកទាំងមូល។ នេះជាទីបញ្ចប់របស់គាត់ គាត់បានដើរដល់ផ្លូវទ័លហើយ”។

Kyrylo Budanov (pictured) has suggested the only way Russia will stop its brutal invasion is if Vladimir Putin dies — ប្រមុខចារកម្មយោធាអ៊ុយក្រែន លោក Kyrylo Budanov

ទោះបីជាយ៉ាងណាក៏ដោយ ប្រមុខចារកម្មរូបនេះ មិនបានលើកឡើងថាតើ លោកពូទីន អាចស្លាប់ដោយមូលហេតុអ្វីនោះទេ។ ប៉ុន្តែគាត់បាននិយាយថា គាត់ជឿជាក់ថា ករណីនេះអាចបង្កឲ្យមានវិបត្តិនយោបាយនៅក្នុងប្រទេសរុស្ស៊ី ធ្វើឲ្យគេមើលឃើញថា ប្រទេសនេះបែកបាក់គ្នា។

អ្នកវិភាគលោកខាងលិចជាច្រើន បានអះអាងថា លោក ពូទីន ចង់ប្រកាសជ័យជម្នះក្នុងសង្គ្រាមជាមួយអ៊ុយក្រែន អំឡុងទិវាជ័យជម្នះរបស់រុស្ស៊ីថ្ងៃទី៩ខែឧសភា ដែលជាទិវាអបអរសាទរសហភាពសូវៀត យកឈ្នះលើពួកណាស៊ីអាល្លឺម៉ង់។

The Victory Day of May 9 is a great day for Russia, many other countries - The Korea Post

លោក Budanov ជឿថា ឥឡូវនេះលោកពូទីនកំពុងព្យាយាមប្រមូលកម្លាំងបន្ថែមទៀតឲ្យបាន មុនថ្ងៃជានិមិត្តរូបនោះ។

ប៉ុន្តែការទទួលជ័យជម្នះរបស់រុស្ស៊ីនៅតែហាក់ដូចជាមិនអាចទៅរួច ព្រោះសព្វថ្ងៃនេះ អ៊ុយក្រែនបានរុញច្រានរុស្ស៊ីចេញពីទីក្រុងធំទីពីររបស់ខ្លួន ក្នុងការវាយប្រហារតបតប្រកបដោយជោគជ័យ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោក Johnson ប្រាប់ថា អ៊ុយក្រែន នឹងឈ្នះសង្គ្រាមជាមួយ រុស្ស៊ី