វិមានក្រឹមឡាំង បញ្ជាក់ច្បាស់ៗ រឿងដែលថា រុស្ស៊ីនឹងប្រកាសសង្គ្រាមលើ អ៊ុយក្រែន នៅទិវាជ័យជម្នះ

វិមានក្រឹមឡាំង បានច្រានចោលការរំពឹងទុកដែលថា លោកប្រធានាធិបតី វ្ល៉ាឌីមៀរ ពូទីន គ្រោងនឹងប្រកាសសង្គ្រាមលើអ៊ុយក្រែន និងធ្វើយោធូបនីយកម្មទូទាំងប្រទេស នៅពេលរុស្ស៊ី ប្រារព្ធពិធីរម្លឹកដល់ជ័យជម្នះរបស់សហភាពសូវៀត ក្នុងសង្គ្រាមលោកលើកទីពីរ។

អ្នកនាំពាក្យវិមានក្រឹមឡាំង លោក Dmitry Peskov បានហៅការរំពឹងទុកនោះថា មិនសមហេតុសមផល ហើយនិយាយថា គ្មានរឿងបែបនោះកើតឡើងទេ។

គួរបញ្ជាក់ថា ទិវាជ័យជម្នះ ដែលជាថ្ងៃឈប់សម្រាកសាធារណៈធំបំផុតរបស់ប្រទេសរុស្ស៊ី ត្រូវបានប្រារព្ធឡើងជារៀងរាល់ឆ្នាំនៅថ្ងៃទី ៩ ខែឧសភា។ សង្គ្រាមលោកលើកទី ២ បានធ្វើឲ្យប្រជាជនសូវៀតជាង ២០ លាននាក់ បាត់បង់ជីវិត។

តាមទម្លាប់ ប្រធានាធិបតីរុស្ស៊ី លោក វ្ល៉ាឌីមៀរ ពូទីន នឹងត្រូវថ្លែងសុន្ទរកថានៅថ្ងៃទី ៩ ឧសភា ហើយត្រួតពិនិត្យក្បួនដង្ហែយោធានៅលើទីលានក្រហមនៃទីក្រុងមូស្គូ។

ទោះបីជាយ៉ាងណាក៏ដោយ ការវាយលុក​អ៊ុយក្រែន​ត្រូវ​បាន​រុស្ស៊ីហៅថា​ជា “ប្រតិបត្តិការ​យោធា​ពិសេស” ​មិន​មែន​សង្រ្គាមទេ៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក Johnson ប្រាប់ថា អ៊ុយក្រែន នឹងឈ្នះសង្គ្រាមជាមួយ រុស្ស៊ី