ព័ត៌មានអន្ដរជាតិ
តៃវ៉ាន់បោះបង់ផែនការទិញឧទ្ធម្ភាគចក្រប្រឆាំងនាវាមុជទឹកដ៏ទំនើបរបស់អាមេរិក 
នៅថ្ងៃព្រហស្បតិ៍នេះ កោះតៃវ៉ាន់បានប្រាប់ថា ខ្លួនបានបោះបង់គម្រោងទិញឧទ្ធម្ភាគចក្រថ្មីដ៏ទំនើបសម្រាប់ការវាយប្រហារនាវាមុជទឹកពីសហរដ្ឋអាមេរិក ដោយលើកហេតុផលថា ថ្លៃពេក។
ដើមឡើយ កោះតៃវ៉ាន់បាននិយាយថា ខ្លួនគ្រោងទិញឧទ្ធម្ភាគចក្រប្រឆាំងនាវាមុជទឹកប្រភេទ MH-60R ចំនួន១២គ្រឿងដែលផលិតដោយក្រុមហ៊ុន Lockheed Martin Corp ប៉ុន្តែតាមការផ្សាយរបស់សារព័ត៌មានក្នុងស្រុកថា សហរដ្ឋអាមេរិកបានបដិសេធការលក់ដែលមិនស្របតាមតម្រូវការរបស់ប្រទេសកោះមួយនេះទេ។
ពេលសួរនៅក្នុងសភាអំពីការផ្លាស់ប្តូរថ្មីដើម្បីទិញអាវុធពីអាមេរិក រដ្ឋមន្ត្រីការពារជាតិតៃវ៉ាន់ លោក Chiu Kuo-cheng បានលើកឡើងអំពីឧទ្ធម្ភាគចក្រជាដំបូង។ លោកបាននិយាយថា ៖«តម្លៃខ្ពស់ណាស់ ហួសពីសមត្ថភាពរបស់ប្រទេសយើង»។
ការទិញអាវុធចំនួនពីរប្រភេទផ្សេងទៀតក៏ត្រូវបានពន្យារពេលដែរគឺប្រព័ន្ធកាំភ្លើងធំ M109A6 Medium Self-Propelled និងមីស៊ីលសម្រាប់វាយប្រហារយន្តហោះចល័ត Stinger។ មីស៊ីលប្រឆាំងយន្តហោះ Stinger របស់ក្រុមហ៊ុនបច្ចេកវិទ្យា Raytheon Technologies នេះគឺជាតម្រូវការដ៏ក្តៅគគុកនៅប្រទេសអ៊ុយក្រែនដែលពួកគេត្រូវបានប្រើដើម្បីប្រឆាំងនឹងយន្តហោះចម្បាំងរុស្ស៊ី ប៉ុន្តែការផ្គត់ផ្គង់របស់អាមេរិកបានធ្លាក់ចុះ និងមានឧបសគ្គខ្លាំងដើម្បីផលិតបន្ថែមទៀតនៃអាវុធប្រឆាំងយន្តហោះ។
លោក Chiu បាននិយាយថា ពួកគេបានចុះកុងត្រាលើកិច្ចសន្យារួចហើយសម្រាប់មីស៊ីល Stingers និងទូទាត់ប្រាក់រួចហើយដែរ ហើយពួកគេនឹងកំណត់ឲ្យអាមេរិកបញ្ជូនមក។
«យើងមិនបានចាត់ទុកអាវុធជារឿងតូចតាចនោះទេ ហើយយើងមានផែនការបម្រុងទុក»។ លោកបានបន្ថែម ប៉ុន្តែមិនបានបញ្ជាក់លំអិត។
កោះតៃវ៉ាន់បាននិយាយថា អាមេរិកបានផ្តល់ជម្រើសជំនួស M109A6 ក្នុងនោះមានរ៉ុក្កែតផលិតដោយក្រុមហ៊ុន Lockheed Martin គឺប្រព័ន្ធរ៉ុក្កែតកាំភ្លើងធំ High Mobility Artillery ឬ HIMARS។ លោក Chiu បាននិយាយថា ពួកគេនៅតែកំពុងពិចារណាជម្រើស៕
ប្រែសម្រួល៖ វីរបុត្រ
ប្រភព៖ Reuters
នាយករដ្ឋមន្ត្រីហៅអ្នកតាំងខ្លួនស្នេហាជាតិចូលប្រទេសទៅយាមព្រំដែន
ភាពស្ងប់ស្ងាត់របស់កម្ពុជាលើបញ្ហាព្រំដែនធ្វើឱ្យកាសែតនិងរដ្ឋាភិបាលថៃប្រឈមមុខគ្នា
កម្ពុជារំពឹងទទួលបានកំណើនវិនិយោគនៅឆ្នាំ ២០២៥
សម្តេចធិបតី ជំរុញឱ្យវិស័យឯកជន សហការគ្នាជាកម្លាំងជាតិត្រៀមខ្លួនប្រកួតប្រជែង
UNICEF៖ មនុស្សជាង១២លាននាក់នៅស៊ូដង់ប្រឈមហានិភ័យហិង្សាផ្លូវភេទ
អាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
ពូទីន ទាមទារឲ្យមានការធានា ៣យ៉ាងដាច់ខាត ក្នុងអំឡុងពេលបទឈប់បាញ់
ដ្រូនអ៊ុយក្រែន វាយប្រហារខ្នាតធំលើក្រុងមូស្គូ ជាលើកទី២ ក្នុងពេលត្រឹម៣ថ្ងៃ
ប្រទះឃើញសត្វក្រពើមួយក្បាលនៅក្នុងស្រះមុខផ្ទះប្រជាពលរដ្ឋ
ត្រាំ ថា នឹងកាត់យក Greenland ហើយ ណាតូ ប្រហែលចូលជួយ
-
ព័ត៌មានអន្ដរជាតិ២ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម៦ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
សន្តិសុខសង្គម១ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
ព័ត៌មានជាតិ១០ ម៉ោង agoអាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
-
ព័ត៌មានអន្ដរជាតិ៣ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម១ សប្តាហ៍ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ៣ ថ្ងៃ agoអ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
-
ព័ត៌មានអន្ដរជាតិ៣ ថ្ងៃ agoមន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ