រុស្ស៊ី ឲ្យ អាមេរិក ធ្វើតាមខ្លួន កម្ទេចឃ្លាំងស្តុកអាវុធគីមី

ស្ថានទូតរុស្ស៊ីប្រចាំនៅទីក្រុងវ៉ាស៊ីនតោនបាននិយាយនៅលើបណ្ដាញ Telegram ថា ប្រទេសរុស្ស៊ីជំរុញឲ្យសហរដ្ឋអាមេរិកកម្ទេចឃ្លាំងស្តុកអាវុធគីមីរបស់ខ្លួន ។

ស្ថានទូតបញ្ជាក់ថា “ប្រព័ន្ធផ្សព្វផ្សាយរបស់រដ្ឋបាលអាមេរិកចោទយើងថាបានរំលោភលើអនុសញ្ញាអាវុធគីមី ។ អ្នកសារព័ត៌មានក៏បន្តអះអាងដោយគ្មានភស្តុតាងអំពីឃ្លាំងអាវុធគីមីដែលនៅសល់របស់យើង ហើយចោទយើងទៀតថាគ្រោងនឹងប្រើប្រាស់វានៅអ៊ុយក្រែន” ។

បេសកជនរូបនេះក៏បានគូសបញ្ជាក់ផងដែរថា រុស្ស៊ីបានបំផ្លាញឃ្លាំងស្តុកអាវុធគីមីរបស់ខ្លួនទាំងស្រុងក្នុងឆ្នាំ ២០១៧ ហើយការពិតនេះគឺត្រូវបានបញ្ជាក់ដោយអង្គការហាមឃាត់អាវុធគីមី (OPCW)។

ស្ថានទូតបន្ថែមថា “អាមេរិកខុសពីរុស្ស៊ី អាមេរិកគឺជាប្រទេសសមាជិកអនុសញ្ញាអាវុធគីមីតែមួយគត់ដែលមិនទាន់អាចកម្ទេចឃ្លាំងស្តុកអាវុធគីមីរបស់ខ្លួនបាននៅឡើយទេ“ ។

ជាចុងក្រោយបេសកជននេះក៏បានសម្ដែងការងឿងឆ្ងល់ដែរថា ហេតុអ្វីបានជាទីក្រុងវ៉ាស៊ីនតោនពន្យារពេលការលុបបំបាត់ឃ្លាំងស្តុកអាវុធគីមីរបស់ខ្លួនមិនដូចប្រទេសដទៃទៀតបែបនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី ថា បើសង្គ្រាមនុយក្លេអ៊ែរកើតឡើងមែននឹងមិនមាន “អ្នកឈ្នះ” នោះទេ