ព័ត៌មានអន្ដរជាតិ
ហេតុអ្វីបានជាទិវាជ័យជម្នះ ៩ឧសភា មានសារសំខាន់សម្រាប់ រុស្ស៊ី? (មានវីដេអូ)
ទិវានេះ បានក្លាយជាព្រឹត្តិការណ៍ប្រចាំឆ្នាំ។ ក្បួនដង្ហែយោធានៅទីលានក្រហមក្នុងទីក្រុងមូស្គូ និងទីក្រុងនានាទូទាំងប្រទេសរុស្ស៊ីនៅថ្ងៃទី៩ខែឧសភា គឺជាការកត់សម្គាល់អំពីជ័យជម្នះលើពួកណាស៊ីអាល្លឺម៉ង់ក្នុងឆ្នាំ១៩៤៥។
![Trump says he's 'thinking about' attending Russia's May Day parade | The Independent | The Independent](https://static.independent.co.uk/s3fs-public/thumbnails/image/2019/05/09/15/tank-t34.jpg?width=1200)
ក្រោមការដឹកនាំរបស់លោក វ្លាឌីមៀរ ពូទីន, ទិវាជ័យជម្នះ បានក្លាយជាព្រឹត្តិការណ៍បង្ហាញសាចដុំ និងសព្វាវុធ ក៏ដូចជាឱកាសដើម្បីរម្លឹកដល់ការពលីរបស់ទាហាន ក្នុងសង្រ្គាមលោកលើកទីពីរផងដែរ។ ប្រជាជនសូវៀតចំនួន ២៧លាននាក់បានស្លាប់ នៅក្នុងអ្វីដែលប្រជាជនរុស្ស៊ីហៅថាជា សង្រ្គាមស្នេហាជាតិដ៏អស្ចារ្យ។
ឆ្នាំនេះ ព្រឹត្តិការណ៍នេះមានសារៈសំខាន់ខ្លាំងណាស់។ លើសការរំដោះអឺរ៉ុប រុស្ស៊ីបានធ្វើសង្រ្គាមជាច្រើនខែប្រឆាំងនឹងប្រទេសជិតខាងរបស់ខ្លួនគឺអ៊ុយក្រែន ហើយមិនទាន់មើលឃើញ ជ័យជម្នះពិតប្រាកដ ដើម្បីឲ្យខ្លួនអាចអបអរសាទរបាននៅឡើយទេ។
![This image has an empty alt attribute; its file name is 95c2f3b3-4013-4e43-adad-61795159fe03-AP_Russia-1024x707.webp](https://www.kampucheathmey.com/wp-content/uploads/2022/05/95c2f3b3-4013-4e43-adad-61795159fe03-AP_Russia-1024x707.webp)
កងវរសេនាធំ ដែលដើរតួយ៉ាងសំខាន់ក្នុងសង្រ្គាម នឹងធ្វើការដង្ហែក្បួននៅចំពោះមុខមេទ័ពកំពូលៗនិងប្រធានាធិបតី។ សុន្ទរកថារបស់ប្រធានាធិបតី នឹងបន្លឺឡើងនៅទូទាំងទីលានក្រហម ហើយត្រូវបានពិភពលោកពិនិត្យមើលយ៉ាងដិតដល់ ចំពោះអ្វីដែលអាចកើតឡើងបន្ទាប់។ មេដឹកនាំរុស្ស៊ី តែងតែប្រើឱកាសនេះដើម្បីផ្ញើសារ បង្ហាញចេតនាណាមួយ។
ក្បួនដង្ហែទិវាជ័យជម្នះ ត្រូវបានធ្វើឡើងម្តងម្កាលនៅសម័យសូវៀត និងបានរៀបចំឡើងវិញដោយលោកប្រធានាធិបតី Boris Yeltsin សម្រាប់ខួបលើកទី ៥០ ក្នុងឆ្នាំ ១៩៩៥ ប៉ុន្តែលោក វ្លាឌីមៀរ ពូទីន ក្នុងឆ្នាំ២០០៨ បានធ្វើឲ្យវា ក្លាយជាព្រឹត្តិការណ៍ប្រចាំឆ្នាំ ជាមួយនឹងការបង្ហាញកម្លាំងយោធា និងសព្វាវុធទំនើបៗ។
![This image has an empty alt attribute; its file name is russia-may-day-rehearsal-1024x683.jpg](https://www.kampucheathmey.com/wp-content/uploads/2022/05/russia-may-day-rehearsal-1024x683.jpg)
បន្ទាប់ពីរុស្ស៊ីកាត់បញ្ចូលឧបទ្វីបគ្រីមៀ ក្នុងឆ្នាំ២០១៤ លោក វ្លាឌីមៀរ ពូទីន បានប្រារព្ធទិវាជ័យជម្នះជាមួយនឹងការថ្លែងសុន្ទរកថានៅទីលានក្រហម អំពីការកម្ចាត់ពួកហ្វាស៊ីសនិយម មុនពេលជិះយន្តហោះ ទៅកាន់កំពង់ផែសមុទ្រខ្មៅនៃទីក្រុង Sevastopol ដើម្បីអបអរសាទរជ័យជម្នះថ្មីរបស់គាត់ នៅចំពោះមុខអ្នកទស្សនារាប់ម៉ឺននាក់។
លោក Ernest Wyciszkiewicz នៃមជ្ឈមណ្ឌលកិច្ចសន្ទនា និងការយល់ដឹងប៉ូឡូញ-រុស្សី បាននិយាយថា “ឆ្នាំនេះ គោលបំណងចម្បងរបស់រុស្ស៊ី គឺដើម្បីប្រកាសពីជ័យជម្នះដែលសន្មត់ថានឹងកើតឡើងនៅក្នុងខែកុម្ភៈ។ ពួកគេត្រៀមធ្វើឲ្យសាធារជន មានការភ្ញាក់ផ្អើលនៅថ្ងៃចន្ទនេះ។ វាជារឿងសំខាន់សម្រាប់ប្រជាជនរុស្ស៊ី ក្នុងការមើលឃើញថា ប្រតិបត្តិការយោធាពិសេសដែលពួកគេបានឮ ទទួលបានលទ្ធផលជាក់ស្តែង”។
![This image has an empty alt attribute; its file name is f085bf8be42849429de8ef036393216c.jpg](https://www.kampucheathmey.com/wp-content/uploads/2022/05/f085bf8be42849429de8ef036393216c.jpg)
យោងតាមការវិភាគរបស់ BBC, ឆ្នាំនេះ រុស្ស៊ី នឹងបង្ហាញកងទ័ព និងសព្វាវុធ តិចជាងកាលឆ្នាំ២០២១។ ប៉ុន្តែនឹងនៅតែមានទាហានប្រហែល ១០ ០០០ នាក់ និងសម្ភារយោធាចំនួន ១២៩ ចូលរួម។ រថក្រោះថ្មីបំផុតមួយរបស់រុស្ស៊ីដែលនឹងបង្ហាញខ្លួនគឺ T-80BVM ក៏ដូចជាប្រព័ន្ធមីស៊ីលប្រឆាំងយន្តហោះ Pantsir-S1 ផងដែរ។
ការបង្ហាញលើអាកាសនឹងមានទំហំធំដូចពីមុន ដោយមានយន្តហោះ និងឧទ្ធម្ភាគចក្រចំនួន ៧៧ គ្រឿង៕
![This image has an empty alt attribute; its file name is 10355519ca867490c0a1974042b74ad9.jpg](https://www.kampucheathmey.com/wp-content/uploads/2022/05/10355519ca867490c0a1974042b74ad9.jpg)
![This image has an empty alt attribute; its file name is WireAP_092ef5d1e0a844a5ac72618c8f7fc39a_16x9_992.jpg](https://www.kampucheathmey.com/wp-content/uploads/2022/05/WireAP_092ef5d1e0a844a5ac72618c8f7fc39a_16x9_992.jpg)
![This image has an empty alt attribute; its file name is victory-day-russia.webp](https://www.kampucheathmey.com/wp-content/uploads/2022/05/victory-day-russia.webp)
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ រុស្ស៊ី ទម្លាក់គ្រាប់បែកលើសាលារៀនអ៊ុយក្រែន ស្លាប់មនុស្ស២នាក់ ខណៈ៦០នាក់ទៀត ក៏គ្មានសង្ឃឹមរស់
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត