ជំទាវទី១អាមេរិក បង្ហាញខ្លួននៅ អ៊ុយក្រែន យ៉ាងភ្ញាក់ផ្អើលបំផុត (មានវីដេអូ)

ជំទាវទី១របស់សហរដ្ឋអាមេរិក Jill Biden បានធ្វើទស្សនកិច្ចដោយមិនប្រកាសជាមុន នៅភាគខាងលិចប្រទេសអ៊ុយក្រែន។

លោកស្រី Biden បានធ្វើដំណើរតាមក្បួនរថយន្តទៅកាន់ទីក្រុង Uzhhorod ជិតព្រំដែនស្លូវ៉ាគី ដើម្បីជួបជាមួយជំទាវទី១របស់ អ៊ុយក្រែន លោកស្រី Olena Zelenska សម្រាប់ទិវាមាតារបស់ប្រទេសនេះ។

អ្នក​ទាំង​ពីរ​បាន​ជួប​គ្នា​នៅ​សាលារៀនមួយ ​ដែលគេយកធ្វើ​ជា​ជម្រក​បណ្ដោះ​អាសន្ន ហើយ​ ​ជជែក​នៅ​ចំពោះ​មុខ​អ្នក​កាសែត មុន​ពេល​ជួប​គ្នា​ជា​លក្ខណៈ​ឯកជន។

លោកស្រី Biden និយាយថា “ខ្ញុំគិតថា វាជារឿងសំខាន់ណាស់ ក្នុងការបង្ហាញដល់ប្រជាជនអ៊ុយក្រែនថា សង្រ្គាមនេះត្រូវតែបញ្ឈប់ ហើយសង្រ្គាមនេះមានភាពឃោរឃៅ ហើយប្រជាជនអាមេរិក ឈរជាមួយប្រជាជនអ៊ុយក្រែន”។

ស្របពេលជាមួយគ្នានោះដែរ ភរិយារបស់ប្រធានាធិបតីអ៊ុយក្រែន បានថ្លែងអំណរគុណដល់លោកស្រី Biden សម្រាប់ភាពក្លាហានរបស់គាត់ ដោយនិយាយថា “យើងយល់ពីអ្វីដែលនាំជំទាវទី១របស់សហរដ្ឋអាមេរិក ឲ្យមកទីនេះក្នុងអំឡុងពេលសង្រ្គាម នៅពេលដែលសកម្មភាពយោធាកំពុងកើតឡើងជារៀងរាល់ថ្ងៃ នៅពេលដែលស៊ីរ៉ែនព្រមានការវាយប្រហារអាកាស បន្លឺឡើងជារៀងរាល់ថ្ងៃ សូម្បីតែ​ថ្ងៃនេះ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ ហេតុអ្វីបានជាទិវាជ័យជម្នះ ៩ឧសភា មានសារសំខាន់សម្រាប់ រុស្ស៊ី?