ព័ត៌មានអន្ដរជាតិ
ពិភពលោកកំពុងភ័យខ្លាចលោក ពូទីន ប្រកាសសង្គ្រាមក្នុង “ទិវាជ័យជម្នះ” ថ្ងៃនេះ
ប្រធានាធិបតីរុស្ស៊ីលោក វ្ល៉ាឌីមៀ ពូទីន នឹងថ្លែងសុន្ទរកថាក្នុង “ទិវាជ័យជម្នះ” ៩ ឧសភា របស់សហភាពសូវៀតលើពួកណាស៊ីអាល្លឺម៉ង់ អំឡុងសង្គ្រាមលោកលើកទី ២ ក្នុងឆ្នាំ ១៩៤៥ នាម៉ោង ១០ ព្រឹក (ម៉ោង ២ ថ្ងៃត្រង់នៅកម្ពុជា) នៅទីលានក្រហមកណ្តាលទីក្រុងមូស្គូ ។

ទន្ទឹមនោះការថ្លែងរបស់លោក ពូទីន ធ្វើឲ្យពិភពលោកក៏ដូចជារដ្ឋមន្ត្រីការពារជាតិអង់គ្លេសលោក Ben Wallace និងអ្នកផ្សេងទៀតមើលឃើញថា លោក ពូទីន អាចនឹងប្រកាសសង្គ្រាមក្នុងអំឡុងពេលសុន្ទរកថានោះ ហើយការប្រកាសបែបនេះអាចនាំឲ្យមានការកៀរគរជនជាតិរុស្ស៊ីយ៉ាងធំសម្បើមសម្រាប់សង្គ្រាមលុកលុយបន្ថែមទៀត ។
លោក ពូទីន បានបញ្ជាឲ្យយោធាវាយលុកប្រទេសជិតខាងអ៊ុយក្រែនកាលពីចុងខែកុម្ភៈ ដោយលោកបានចោទប្រកាន់រដ្ឋបាលរបស់ប្រធានាធិបតីអ៊ុយក្រែនលោក Volodymyr Zelensky ថាត្រូវបានគ្រប់គ្រងដោយពួក neo-Nazis ហើយប្រជាជនដែលមានដើមកំណើតរុស្ស៊ីចាំបាច់ត្រូវការពារ ។

ស្របពេលជាមួយគ្នានោះសុន្ទរកថារបស់លោក ពូទីន នឹងត្រូវបន្តដោយក្បួនដង្ហែរយោធា ដែលបង្ហាញពីការដើរដង្ហែររបស់បុគ្គលិកយោធាជាង ១០,០០០ នាក់ ជាមួយនឹងដាក់តាំងបង្ហាញអាវុធទំនើបៗផងដែរ ។
បន្ថែមពីនេះក្បួនដង្ហែក៏នឹងបង្ហាញយន្តហោះពិសេស Ilyushin Il-80 ដែលប្រធានាធិបតី និងមន្ត្រីផ្សេងទៀតចេញបញ្ជាក្នុងករណីមានអាសន្ន ដូចជាសង្រ្គាមនុយក្លេអ៊ែរជាដើម ។

អ្នកជំនាញនិយាយថា ការហោះហើរយន្តហោះនេះ នឹងមានគោលបំណងបង្ហាញរូបភាពនៃជម្លោះនុយក្លេអ៊ែរ ក៏ដូចជាការព្រមានដល់ប្រទេសលោកខាងលិច ដែលបាននិងកំពុងផ្គត់ផ្គង់សម្ភារៈយោធាដល់អ៊ុយក្រែន ។
របាយការណ៍ខ្លះបានលើកឡើងថា រុស្ស៊ីក៏អាចនឹងធ្វើពិធីនៅក្នុងតំបន់អ៊ុយក្រែនដែលខ្លួនអះអាងថាវាយដណ្ដើមបានក្នុងអំឡុងពេលសង្គ្រាមលុកលុយដែលអូសបន្លាយពេលជាង ២ ខែកន្លងមកនេះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ លោក Zelensky ថា អ៊ុយក្រែន បើកចំហចំពោះការចរចា តែ រុស្ស៊ី ត្រូវគោរពលក្ខខណ្ឌមួយនេះ

-
ព័ត៌មានអន្ដរជាតិ១៥ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?