រុស្ស៊ី លុបចោលក្បួនបង្ហាញយន្តហោះលើអាកាសក្នុង “ទិវាជ័យជម្នះ” ដោយសារបញ្ហាមួយ

យោងតាមការចុះផ្សាយរបស់សារព័ត៌មាន RT នៅថ្ងៃចន្ទនេះបានឲ្យដឹងថា ក្បួនបង្ហាញយន្តហោះលើអាកាសនៅទីក្រុងមូស្គូក្នុង “ទិវាជ័យជម្នះ” ត្រូវបានលុបចោល ដោយសារតែបញ្ហាអាកាសធាតុ ។

វិមានក្រឹមឡាំងបានលើកឡើងពីការលុបចោលក្បូននេះ ស្របពេលដែលប្រទេសរុស្ស៊ីកំពុងប្រារព្ធ “ទិវាជ័យជម្នះ ៩ ឧសភា” របស់សហភាពសូវៀតលើពួកណាស៊ីអាល្លឺម៉ង់ ក្នុងសង្គ្រាមលោកលើកទី ២ កាលពីឆ្នាំ ១៩៤៥ ។

ទន្ទឹមនោះវិមានក្រឹមឡាំងក៏មិនបានបញ្ជាក់ពីប្រភេទយន្តហោះដែលត្រូវលុបចោលក្នុងក្បួននោះទេ ខណៈសារព័ត៌មានរុស្ស៊ី Sputnik បានរាយការណ៍នាពេលកន្លងមកថា ក្បួនបង្ហាញលើអាកាសគឺជាយន្តហោះពិសេស Ilyushin Il-80 ដែលប្រធានាធិបតី និងមន្ត្រីផ្សេងទៀតចេញបញ្ជាក្នុងករណីមានអាសន្ន ដូចជាសង្រ្គាមនុយក្លេអ៊ែរជាដើម ។

ចំណែកអ្នកជំនាញនិយាយថា ការហោះហើរយន្តហោះនេះ នឹងមានគោលបំណងបង្ហាញរូបភាពនៃជម្លោះនុយក្លេអ៊ែរ ក៏ដូចជាការព្រមានដល់ប្រទេសលោកខាងលិច ដែលបាននិងកំពុងផ្គត់ផ្គង់សម្ភារៈយោធាដល់អ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ពិភពលោកកំពុងភ័យខ្លាចលោក ពូទីន ប្រកាសសង្គ្រាមក្នុង “ទិវាជ័យជម្នះ” ថ្ងៃនេះ