ព័ត៌មានអន្ដរជាតិ
សមាជិកសភាបក្សកាន់អំណាចស្រីលង្កាបាញ់សម្លាប់អ្នកតវ៉ា រួចសម្លាប់ខ្លួនឯង
សមាជិកសភារបស់គណបក្សកាន់អំណាចប្រទេសស្រីលង្កាបានបាញ់សម្លាប់អ្នកតវ៉ាម្នាក់ របួសម្នាក់ និងបន្ទាប់មកបានបាញ់សម្លាប់ខ្លួនឯងនៅពេលប្រឈមនឹងហ្វូងនឹងបាតុករនៅខាងក្រៅទីក្រុង Colombo កាលពីថ្ងៃចន្ទ ទី៩ ខែឧសភា ឆ្នាំ២០២២។
ប៉ូលិសបានឲ្យដឹងថា លោក Amarakeerthi Athukorala ជាសមាជិកសភាបានបើកការបាញ់ប្រហារ និងត្រូវអ្នកតវ៉ាពីរនាក់ ក្នុងនោះបានសម្លាប់បុរសអាយុ២៧ឆ្នាំម្នាក់ របួសម្នាក់ ហើយបន្ទាប់មកបាញ់សម្លាប់ខ្លួនឯង ក្រោយពេលត្រូវបានឡោមព័ទ្ធដោយហ្វូងមនុស្សតវ៉ាប្រឆាំងនឹងរដ្ឋាភិបាលនៅខាងក្រៅទីក្រុង Colombo។
ប៉ូលិសឲ្យដឹងទៀតថា អ្នកនយោបាយរបស់គណបក្សកាន់អំណាចផ្សេងទៀតដែលមិនត្រូវបានគេបញ្ចេញឈ្មោះបានបើកការបាញ់ប្រហារលើអ្នកតវ៉ានៅខាងក្រៅទីក្រុង Weeraketiya ដែលបានសម្លាប់មនុស្ស២នាក់ និងរបួស៥នាក់។
ក្រោយការតវ៉ាផ្ទុះហិង្សាបណ្តាលឲ្យមនុស្សស្លាប់ នាយករដ្ឋមន្ត្រីស្រីលង្កា លោក Mahinda Rajapaksa បានសម្រេចចុះចេញពីតំណែង ដោយសារបាតុកម្មទូទាំងប្រទេសបានផ្ទុះហិង្សាសម្លាប់មនុស្ស៥នាក់ និងរបួសប្រហែលជា២០០នាក់។
ស្រីលង្កាបានជួបនឹងវិបត្តិសេដ្ឋកិច្ចដ៏ធ្ងន់ធ្ងរមិនធ្លាប់មានជាច្រើនខែមកហើយចាប់តាំងពីប្រទេសនេះទទួលបានឯករាជ្យមក។ វិបត្តិធ្ងន់ធ្ងរធ្វើឲ្យប្រទេសកំពុងជួបការខ្វះខាតស្បៀងអាហារ ប្រេងឥន្ធនៈ ថ្នាំពេទ្យ និងសម្ភារប្រើប្រាស់ចាំបាច់ផ្សេងៗ។
វិបត្តិសេដ្ឋកិច្ចនេះហើយដែលជំរុញឲ្យប្រជាជនចេញធ្វើការតវ៉ាដោយសន្តិវិធីដើម្បីទាមទារឲ្យលោកប្រធានាធិបតី Gotabaya Rajapaksa ដែលត្រូវជាប្អូនប្រុសបង្កើតរបស់លោកនាយករដ្ឋមន្ត្រីចុះចេញពីតំណែង។
កាលពីថ្ងៃចន្ទ ទី៩ ខែឧសភា ក្រុមអ្នកស្មោះស្ម័គ្រនឹងលោកនាយករដ្ឋមន្ត្រី Rajapaksa បានធ្វើការវាយប្រហារទៅលើបាតុករដែលគ្មានអាវុធក្នុងដៃនៅខាងក្រៅការិយាល័យប្រធានាធិបតីដើម្បីទាមទារឲ្យចុះចេញពីតំណែង។
អ្នកនាំពាក្យមន្ទីរពេទ្យជាតិទីក្រុង Colombo បានប្រាប់ AFPថា សរុបមនុស្ស១៨១នាក់ត្រូវបានបញ្ជូនទៅមន្ទីរពេទ្យ។ មនុស្ស៨នាក់បានរបួសនៅកន្លែងផ្សេងទៀត។
លោកនាយករដ្ឋមន្ត្រី Mahinda Rajapaksa បានចេញលិខិតលាលែងពីតំណែង ដោយខ្លឹមសារបាននិយាយថា ការលាឈប់គឺជាផ្លូវត្រួយត្រាយផ្លូវសម្រាប់រដ្ឋាភិបាលរួបរួម ប៉ុន្តែវាមិនច្បាស់ទេថា គណបក្សប្រឆាំងនឹងចូលរួមកិច្ចសហប្រតិបត្តិការ៕
ប្រែសម្រួល៖ វីរបុត្រ
ប្រភព៖ AFP
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ