រុស្ស៊ី ផ្តល់ជំនួយមនុស្សធម៌ជិត ១៩ ០០០ តោនទៅឲ្យ អ៊ុយក្រែន

ចាប់តាំងពីថ្ងៃទី២ខែមីនាមក ប្រទេសរុស្ស៊ីបានបញ្ជូនជំនួយមនុស្សធម៌ជិត ១៩ ០០០តោន ទៅកាន់ប្រទេសអ៊ុយក្រែន។ នេះបើតាមការបញ្ជាក់ពី ប្រធានមជ្ឈមណ្ឌលត្រួតពិនិត្យការពារជាតិរុស្ស៊ី លោកវរសេនីយ៍ឯក Mikhail Mizintsev។

លោក Mizintsev ក៏ជាមេដឹកនាំនៅទីស្នាក់ការសម្របសម្រួលការឆ្លើយតបផ្នែកមនុស្សធម៌របស់រុស្ស៊ីផងដែរ។

លោកនិយាយថា “ចាប់ពីថ្ងៃទី២ខែមីនាឆ្នាំ២០២២មក សហព័ន្ធរុស្ស៊ីបានបញ្ជូនសម្ភារៈសំខាន់ៗ អាហារ ឱសថ និងការផ្គត់ផ្គង់វេជ្ជសាស្រ្តសរុបទម្ងន់ ១៨ ៧៩០ តោន ទៅកាន់ប្រទេសអ៊ុយក្រែនរួចហើយ”។

ទោះបីជាយ៉ាងណាក៏ដោយ លោកមិនបានលម្អិតជាងនេះនោះទេ។

គួររម្លឹកថា រុស្ស៊ី បានចាប់ផ្តើមប្រតិបត្តិការយោធាពិសេសមួយក្នុងប្រទេសអ៊ុយក្រែន កាលពីថ្ងៃទី ២៤ ខែកុម្ភៈ ដើម្បីឆ្លើយតបទៅនឹងការអំពាវនាវពីសាធារណរដ្ឋប្រជាមានិត Donetsk និង Lugansk សម្រាប់ការការពារ ប្រឆាំងនឹងការវាយប្រហារកាន់តែខ្លាំងឡើងដោយកងទ័ពអ៊ុយក្រែន។

ក្រសួងការពារជាតិរុស្ស៊ីនិយាយថា ប្រតិបត្តិការពិសេសដែលផ្តោតលើហេដ្ឋារចនាសម្ព័ន្ធយោធាអ៊ុយក្រែន គឺមានគោលបំណងសម្រាប់ភាពគ្មានយោធា និងលុបបំបាត់លទ្ធិណាស៊ីនិយម។

យ៉ាងណាក្តី ទីក្រុងមូស្គូអះអាងថា ខ្លួនមិនមានគម្រោងកាន់កាប់ អ៊ុយក្រែនទេ ប៉ុន្តែប្រទេសលោកខាងលិចបានដាក់ទណ្ឌកម្មលើរុស្ស៊ី និងបេឡារុស៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ប្រធានាធិបតីអ៊ុយក្រែនទី១ ទទួលមរណភាព