លោក Zelensky៖ យើងមិនមានអាវុធគ្រប់គ្រាន់ដើម្បីរំដោះទីក្រុង Mariupol ទេ (មានវីដេអូ)

ប្រធានាធិបតីអ៊ុយក្រែនលោក Volodymyr Zelensky បានបង្ហើបថា ប្រទេសរបស់គាត់ មិនទាន់ទទួលបានអាវុធគ្រប់គ្រាន់ ដើម្បីបញ្ឈប់ការឡោមព័ទ្ធទីក្រុង Mariupol និងរំដោះទីក្រុងនេះទេ។

គាត់បានប្រាប់សមាជិកសភា ម៉ាល់តា ថា អ្នកការពារអ៊ុយក្រែន នៅតែបន្តការតស៊ូរបស់ពួកគេក្នុងរោងចក្រ Azovstal។

លោក Zelenskyy បានបន្ថែមថា “យើងកំពុងប្រើឧបករណ៍ការទូតដែលអាចធ្វើទៅបាន ដើម្បីជួយសង្គ្រោះពួកគេ ប៉ុន្តែរុស្ស៊ីមិនអនុញ្ញាតឲ្យមានជម្រើសណាមួយនោះទេ។ យើងបានស្នើឲ្យដៃគូរបស់យើង ផ្តល់អាវុធដើម្បីរំដោះទីក្រុង Mariupol និងជួយសង្គ្រោះទាំងជនស៊ីវិល និងយោធា ដែលជាប់នៅខាងក្នុងនោះ”។

ស្របពេលជាមួយគ្នានោះដែរ លោកបានបន្តអះអាងថា ទីក្រុង និងទីប្រជុំជននានារបស់អ៊ុយក្រែន ត្រូវបានវាយប្រហារដោយមីស៊ីលចំនួន ២២៥០ គ្រាប់ក្នុងរយៈពេលពីរខែកន្លះ។

លោក​បន្ត​ថា “​ការ​ទម្លាក់​គ្រាប់​មិន​ឈប់​ទេ ទម្លាក់ទាំង​ពេល​ថ្ងៃ និង​ពេល​យប់​”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ រុស្ស៊ី ផ្តល់ជំនួយមនុស្សធម៌ជិត ១៩ ០០០ តោនទៅឲ្យ អ៊ុយក្រែន