អ៊ុយក្រែន បាញ់ផ្លោងលើតំបន់ភូមិ រុស្ស៊ី ស្លាប់ និងរបួសច្រើននាក់

លោក Vyacheslav Gladkov អភិបាលនៃតំបន់ Belgorod របស់រុស្ស៊ីបាននិយាយថា ការបាញ់ផ្លោងមកលើភូមិ Solokhi ពីចំហៀងនៃប្រទេសអ៊ុយក្រែនកាលពីយប់ថ្ងៃពុធបណ្តាលឲ្យមនុស្សម្នាក់ស្លាប់ និង ៦ នាក់ទៀតរងរបួស ។

យោងតាមការបង្ហោះរបស់អភិបាលខេត្តនៅលើ Telegram និងពីក្រសួងសុខាភិបាលប្រចាំតំបន់បានបញ្ជាក់ថា អ្នកស្លាប់ប្រហែលជាក្មេងប្រុសអាយុ ១៤ ឆ្នាំ ខណៈអ្នករងរបួសទាំងអស់កំពុងទទួលបានការថែទាំសុខភាព” ។

លោកអភិបាលខេត្តបានបន្ថែមថា ចំណែកប្រជាពលរដ្ឋផ្សេងទៀតនៅក្នុងភូមិនឹងត្រូវយកទៅកាន់ទីទួលសុវត្ថិភាពក្រោមការមើលថែពីមន្ត្រីក្រសួងសង្គ្រោះបន្ទាន់ក្នុងមូលដ្ឋាន ។

គួរបញ្ជាក់ថា ភូមិ Solokhi មានទីតាំងនៅមិនឆ្ងាយប៉ុន្មានពីតំបន់ Kharkov នៃប្រទេសអ៊ុយក្រែនឡើយ ហើយមិនធ្លាប់ទទួលរងនូវការបាញ់ផ្លោងណាមួយពីមុនមកទេ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ប្រាប់មូលហេតុសង្គ្រាម រុស្ស៊ី-អ៊ុយក្រែន នៅតែអូសបន្លាយពេល