ដើមល្ហុងប្រទេសមួយនេះ កម្ពស់មិនធម្មតា អាចបំបែកឯកទគ្គកម្មពិភពលោក Guinness

មហាជនពិតជាភ្ញាក់ផ្អើលមិនស្ទើរ នៅពេលដឹងថា ដើម​ល្ហុង​ក្នុង​សួន​របស់​កសិករ​ប្រេស៊ីលម្នាក់​បាន​បង្កើត​ឯកទគ្គកម្ម​ពិភពលោក​ហ្គីណេស​ ក្នុង​កម្ពស់​មិន​គួរ​ឲ្យ​ជឿ​គឺ ១៤.៥៥ ម៉ែត្រ។

លោក Tarcisio Foltz ដែលជាម្ចាស់ល្ហុងក៏​ធ្លាប់ភ្ញាក់ផ្អើលដូចមហាជនពេលនេះអ៊ីចឹង ដោយកាលពីឆ្នាំ២០២១ គាត់បានរកឃើញដើមល្ហុងនៅក្នុងសួនរបស់គាត់ លូតកម្ពស់មិនធម្មតា។ ក្រោយមកបុរសរូបនេះ និងអតីតម្ចាស់កសិដ្ឋាន Gilberto Franz បានប្រើ Drone ថតកម្ពស់ពិតនៃដើមឈើដែលមានទំហំ និងកម្ពស់ប្រហាក់ប្រហែលនឹងល្ហុងរបស់គាត់។ ឯលទ្ធផលពិតជាគួរឱ្យភ្ញាក់ផ្អើលណាស់។

៣ ខែបន្ទាប់ពីវាស់វែងល្ហុងដោយខ្លួនឯង​ លោក Tarcisio Foltz បានអញ្ជើញអ្នកជំនាញមួយក្រុមមកវាស់កម្ពស់វាជាផ្លូវការ។ ជាលទ្ធផល ដើមល្ហុងរបស់គាត់មានកម្ពស់រហូត ១៤.៥៥ ម៉ែត្រ ដោយបានក្លាយជាដើមល្ហុងខ្ពស់ជាងគេលើពិភពលោក។ ដើមល្ហុងនេះក៏ត្រូវបានទទួលស្គាល់ជាផ្លូវការដោយសៀវភៅកំណត់ត្រាពិភពលោក Guinness កាលពីថ្ងៃទី ២ ខែកញ្ញា ឆ្នាំ២០២១ កន្លងទៅ។

មកទល់នឹងបច្ចុប្បន្ន ដើមល្ហុងនេះ នៅតែរក្សាតំណែងក្នុងកំណត់ត្រាពិភពលោក Guinness ដដែល ប៉ុន្តែវាបាត់ស្លឹកអស់ហើយ និងគ្មានផ្លែទៀតនោះទេ៕

ប្រែសម្រួល៖ សន្យា

ចុចអាន៖ បុរសនេប៉ាល់ បំបែកកំណត់ត្រា ឡើងភ្នំ Everest ច្រើនដងជាងគេ