អាមេរិក នឹងផ្ដល់ប្រាក់ ១៥០ លានដុល្លារដល់អាស៊ាន

សហរដ្ឋអាមេរិកនឹងផ្តល់ប្រាក់ចំនួន ១៥០ លានដុល្លារដល់សមាគមប្រជាជាតិអាស៊ីអាគ្នេយ៍ (អាស៊ាន) សម្រាប់ការវិនិយោគលើហេដ្ឋារចនាសម្ព័ន្ធ សន្តិសុខដែនសមុទ្រ និងវិធានការប្រឆាំងជំងឺកូវីដ ១៩ ជាដើម ។

ប្រធានាធិបតីអាមេរិកលោក ចូ បៃដិន បានធ្វើសេចក្តីប្រកាសនេះកាលពីថ្ងៃព្រហស្បតិ៍ក្នុងកិច្ចប្រជុំកំពូលពិសេសអាមេរិក-អាស៊ានរយៈពេល ២ ថ្ងៃនៅសេតវិមាន ។

ក្នុងកិច្ចប្រជុំនេះដែរ មេដឹកនាំទាំងអស់ក៏ទំនងជានឹងពិភាក្សាអំពីការចាប់ផ្តើមគម្រោងនៃគំនិតផ្តួចផ្តើមដឹកនាំដោយសហរដ្ឋអាមេរិក និងកិច្ចព្រមព្រៀងក្របខ័ណ្ឌសេដ្ឋកិច្ចឥណ្ឌូ-ប៉ាស៊ីហ្វិក (IPEF) ។

ទន្ទឹមនោះ ក្រុមអ្នកសង្កេតការណ៍ជឿថា លោក បៃដិន ចង់ប្រើប្រាស់កិច្ចប្រជុំកំពូល ក៏ដូចជាដំណើរទស្សនកិច្ចរបស់លោកទៅកាន់ប្រទេសជប៉ុន និងកូរ៉េខាងត្បូងនៅសប្តាហ៍ក្រោយ ដើម្បីបង្ហាញថាប្រទេសរបស់លោកមានការប្តេជ្ញាចិត្តចំពោះតំបន់ឥណ្ឌូ-ប៉ាស៊ីហ្វិក ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក ប្រាប់មូលហេតុសង្គ្រាម រុស្ស៊ី-អ៊ុយក្រែន នៅតែអូសបន្លាយពេល (មានវីដេអូ)