ព័ត៌មានអន្ដរជាតិ
នាយករដ្ឋមន្ត្រី ស្រីលង្កា ថ្មី ព្រមានថា រឿងកាន់តែអាក្រក់នឹងមកដល់
នាយករដ្ឋមន្ត្រីថ្មីរបស់ប្រទេសស្រីលង្កាបានប្រាប់ BBC ថា វិបត្តិសេដ្ឋកិច្ចដែលនាំមកនូវភាពវេទនា និងចលាចល នឹងកាន់តែអាក្រក់ទៅៗ នាពេលខាងមុខ។

ប្រទេសនេះ កំពុងប្រឈមនឹងការខ្វះខាតប្រេងឥន្ធនៈ និងតម្លៃស្បៀងកើនឡើង ដោយប្រជាជនស្រីលង្កាខ្លះ ត្រូវបង្ខំចិត្តមិនហូបអាហារ ខណៈកំហឹងចំពោះការដោះស្រាយវិបត្តិរបស់រដ្ឋាភិបាល បានបង្កឲ្យមានបាតុកម្មហិង្សា។
លោក Ranil Wickremesinghe ត្រូវបានតែងតាំងឲ្យចូលកាន់តំណែង ក្នុងការប៉ុនប៉ងដើម្បីរារាំងបាតុកម្ម ហើយវាគឺជាអាណត្តិទីប្រាំមួយរបស់សមាជិកសភាបក្សប្រឆាំងរូបនេះ ក្នុងនាមជានាយករដ្ឋមន្ត្រី។

នៅក្នុងបទសម្ភាសន៍លើកដំបូងរបស់គាត់ចាប់តាំងពីចូលកាន់តំណែង លោក Wickremesinghe បានប្រាប់ BBC ថា គាត់សូមធានាថា គ្រួសារនីមួយនឹងមានអាហារទទួលទាន បីពេលក្នុងមួយថ្ងៃ។
ខណៈអំពាវនាវទៅកាន់ពិភពលោកសុំជំនួយផ្នែកហិរញ្ញវត្ថុបន្ថែមទៀត គាត់និយាយថា “នឹងមិនមានវិបត្តិអត់ឃ្លានទេ យើងនឹងស្វែងរកអាហារ”។

គួរបញ្ជាក់ថា លោក Wickremesinghe បានស្បថចូលកាន់តំណែង កាលពីថ្ងៃព្រហស្បតិ៍ទី១២ខែឧសភា ប៉ុន្តែការតែងតាំងរបស់គាត់បានជួបជាមួយនឹងភាពស្រពិចស្រពិល ដោយសារតែគាត់ត្រូវបានគេមើលឃើញថា មានភាពស្និទ្ធស្នាលជាមួយគ្រួសារត្រកូល Rajapaksa។
នៅក្នុងបទសម្ភាសន៍ លោក Wickremesinghe និយាយថា គាត់យល់ពីអារម្មណ៍របស់បាតុករដែលបានអំពាវនាវឲ្យលោកប្រធានាធិបតី Rajapaksa លាលែងពីតំណែង ប៉ុន្តែរឿងនេះនឹងមិនកើតឡើងនោះទេ។ ប៉ុន្តែគាត់បន្ថែមថា គាត់នឹងផ្លាស់ប្តូរគោលនយោបាយទាំងអស់របស់រដ្ឋាភិបាល Rajapaksa៕
ប្រែសម្រួល៖ Vann Vann
ប្រភព៖ BBC
ចុចអាន៖ អតីតនាយករដ្ឋមន្ត្រីស្រីលង្កា ភៀសខ្លួនទៅមូលដ្ឋានទ័ពជើងទឹក ខណៈអ្នកនយោបាយ រត់ចេញពីប្រទេស

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ