ព័ត៌មានអន្ដរជាតិ

បាញ់រះក្នុងផ្សារទំនើបនៅ ញូវយ៉ក ស្លាប់ ១០ នាក់

បានផុស

៣ years មុន

នៅ

ថ្ងៃអាទិត្យ ១៥ ឧសភា ២០២២

ដោយ

ខ្មាន់កាំភ្លើងម្នាក់ បានបើកការបាញ់ប្រហារនៅផ្សារទំនើបមួយកន្លែងនៅ Buffalo ក្នុងរដ្ឋញូវយ៉ក សហរដ្ឋអាមេរិក កាលពីរសៀលថ្ងៃសៅរ៍ ដោយបានសម្លាប់មនុស្ស ១០ នាក់ និងរបួស ៣ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបាននិយាយថា បុរសអាយុ ១៨ ឆ្នាំម្នាក់ បានបាញ់ប្រហារមនុស្ស ៤ នាក់នៅចំណតរថយន្ត បន្ទាប់មកជនសង្ស័យ បានចូលក្នុងហាង ហើយចាប់ផ្ដើមបាញ់ទៅលើមនុស្ស ៩នាក់ រួមទាំងស្មៀន និងអ្នកលក់ដូរផងដែរ។

បច្ចុប្បន្នជនសង្ស័យ ត្រូវសមត្ថកិច្ចឃាត់ខ្លួន ប៉ូលិសក៏បាននិយាយថា ខ្មាន់កាំភ្លើងកំពុងផ្សាយបន្តផ្ទាល់ការបាញ់ប្រហារនេះ តាមរយៈកាមេរ៉ាដែលជាប់នឹងខ្លួនរបស់គាត់។

សាក្សីម្នាក់បានប្រាប់ទូរទស្សន៍ក្នុងស្រុកថា មានអ្នកដើរទិញឥវ៉ាន់ជាច្រើន នៅក្នុងហាង នៅពេលមានការបាញ់ប្រហារ ហើយជនសង្ស័យស្លៀកសំលៀកបំពាក់បែបយោធា។

ប៉ូលិសនិយាយថា ការបាញ់ប្រហារនេះ អាចបណ្តាលមកពីការរើសអើងពូជសាសន៍ ហើយនឹងត្រូវបានស៊ើបអង្កេតថាជាឧក្រិដ្ឋកម្មស្អប់ខ្ពើមដែលអាចកើតមាន។ យ៉ាងណាមិញ ផ្សារទំនើបនេះមានទីតាំងនៅចម្ងាយប្រហែល ៥ គីឡូម៉ែត្រភាគខាងជើងនៃទីប្រជុំជន Buffalo ហើយត្រូវបានហ៊ុំព័ទ្ធដោយអគារលំ នៅឋាន៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ ប្រទេសមហាសេដ្ឋីអារ៉ាប់រួម រើសបានប្រធានាធិបតីថ្មី