ព័ត៌មានអន្ដរជាតិ

អាមេរិក ថា ប្រទេសអឺរ៉ុប ២ នេះនឹងជាចំណែកបន្ថែមដ៏សំខាន់សម្រាប់ ណាតូ

បានផុស

៣ years មុន

នៅ

ថ្ងៃចន្ទ ១៦ ឧសភា ២០២២

ដោយ

លោក Mitch McConnell មេដឹកនាំជនជាតិភាគតិចនៃព្រឹទ្ធសភាអាមេរិកនិយាយថា ប្រទេសស៊ុយអែត និងហ្វាំងឡង់នឹងក្លាយជាចំណែកបន្ថែមដ៏សំខាន់ដល់អង្គការណាតូ ។

លោក Mitch McConnell (ឆ្វេង) និងលោក Volodymyr Zelensky

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះលោក McConnell ក៏បានអំពាវនាវដល់ប្រធានាធិបតីអាមេរិក Joe Biden ឲ្យចាត់ទុករុស្ស៊ីជារដ្ឋឧបត្ថម្ភអំពើភេរវកម្មជុំវិញសង្គ្រាមលុកលុយលើអ៊ុយក្រែនផងដែរ ។

ថ្លែងទៅកាន់អ្នកសារព័ត៌មានពីរដ្ឋធានី Stockholm របស់ប្រទេសស៊ុយអែត លោក McConnell បាននិយាយថា ប្រទេសហ្វាំងឡង់ និងស៊ុយអែត មិនដូចសមាជិកមួយចំនួននៃសម្ព័ន្ធភាពលោកខាងលិចនោះទេ ប្រទេសទាំងពីរស្ថិតក្នុងជំហរជាកាតព្វកិច្ចរបស់អង្គការណាតូ ហើយនឹងផ្តល់សមត្ថភាពយោធាសំខាន់ៗបន្ថែមទៀតផងដែរ ។

លោកបាននិយាយថា “ពួកគេនឹងជាចំណែកបន្ថែមដ៏សំខាន់ដល់អង្គការណាតូ ប្រសិនបើពួកគេជ្រើសរើសចូលរួមជាមួយប្លុកមួយនេះ ហើយសហរដ្ឋអាមេរិកគួរតែក្លាយជាអ្នកទីមួយដើម្បីផ្តល់សច្ចាប័នលើសន្ធិសញ្ញាសម្រាប់ប្រទេសទាំងពីរក្នុងការចូលរួមជាមួយណាតូ” ។

គួរបញ្ជាក់ថា រហូតមកដល់ពេលនេះការលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ចាត់ទុកជា “ប្រតិបតិ្តការយោធាពិសេស” បានអូសបន្លាយពេលជាង ២ ខែមកហើយ ចាប់តាំងពីសង្គ្រាមផ្ទុះឡើងកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ អាមេរិក អាចផ្អាកការដឹកជញ្ជូនសព្វាវុធទៅ អ៊ុយក្រែន