លោក Zelensky ថា អឺរ៉ុបនឹងលែងពឹងលើថាមពល រុស្ស៊ី ទៀតហើយ

ប្រធានាធិបតីអ៊ុយក្រែនលោក Volodymyr Zelensky បាននិយាយថា ពេលវេលានៃការពឹងផ្អែករបស់អឺរ៉ុបលើធនធានថាមពលរបស់រុស្ស៊ីនឹងដល់ទីបញ្ចប់ហើយ ។

ទន្ទឹមនោះ លោក Zelensky ក៏បានចង្អុលបង្ហាញម្តងទៀតអំពីការពង្រីកការដាក់ទណ្ឌកម្មប្រឆាំងនឹងប្រទេសរុស្ស៊ី ជាពិសេសសម្រាប់បណ្តាប្រទេសអឺរ៉ុបក្នុងការហាមឃាត់ការនាំចូលប្រេងពីទីក្រុងមូស្គូ ។

លោក Zelenskyy បាននិយាយនៅក្នុងសុន្ទរកថាពេលយប់របស់គាត់ថា “ឥឡូវនេះអាទិភាពគឺការហាមប្រាមប្រេងពីរុស្ស៊ី ។ មិនថាទីក្រុងមូស្គូព្យាយាមយ៉ាងណាដើម្បីបង្អាក់ការសម្រេចចិត្តនេះនោះទេ ការពឹងផ្អែករបស់អឺរ៉ុបលើថាមពលរបស់រុស្ស៊ីនឹងដល់ទីបញ្ចប់ហើយ” ។

គួរបញ្ជាក់ថា រហូតមកដល់ពេលនេះការលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ចាត់ទុកជា “ប្រតិបតិ្តការយោធាពិសេស” បានអូសបន្លាយពេលជាង ២ ខែមកហើយ ចាប់តាំងពីសង្គ្រាមផ្ទុះឡើងកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ អាមេរិក ឈប់ថ្កោលទោស អ៊ីស្រាអែល ចំពោះការបាញ់សម្លាប់អ្នកកាសែត Al Jazeera