ព័ត៌មានអន្ដរជាតិ

លោក Macron តែងតាំងនាយករដ្ឋមន្ត្រីថ្មីជាស្ត្រីដំបូងបង្អស់របស់ បារាំង ក្នុងរយៈពេល ៣០ ឆ្នាំ

បានផុស

៣ years មុន

នៅ

ថ្ងៃអង្គារ ១៧ ឧសភា ២០២២

ដោយ

ប្រធានាធិបតីបារាំងលោក Emmanuel Macron បានតែងតាំងនាយករដ្ឋមន្ត្រីថ្មីគឺលោកស្រី Elisabeth Borne ជាស្ត្រីដំបូងគេដែលកាន់តំណែងក្នុងរយៈពេល ៣០ ឆ្នាំមកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Macron បានធ្វើការតែងតាំងលោកស្រី Borne ជំនួសនាយករដ្ឋមន្ត្រីចាស់គឺលោក Jean Castex កាលពីថ្ងៃចន្ទ ពោលត្រឹមតែប៉ុន្មានថ្ងៃប៉ុណ្ណោះក្នុងអាណត្តិទីពីររបស់លោក បន្ទាប់ពីឈ្នះការបោះឆ្នោតប្រធានាធិបតីកាលពីខែមេសា ។

ទន្ទឹមនោះ អំឡុងផ្ទេរតំណែងពីលោក Castex, លោកស្រី Borne បានថ្លែងសុន្ទរកថាថា ប្រទេសបារាំងត្រូវតែធ្វើសកម្មភាពលឿន និងខ្លាំងជាងមុន ដើម្បីដោះស្រាយបញ្ហាអន្តរជាតិ ការប្រែប្រួលអាកាសធាតុ និងបញ្ហាបរិស្ថានជាដើម ។

នាយករដ្ឋមន្ត្រីថ្មីដែលមានវ័យ ៦១ ឆ្នាំរូបនេះធ្លាប់បម្រើការជារដ្ឋមន្ត្រីដឹកជញ្ជូន រដ្ឋមន្ត្រីបរិស្ថាន និងរដ្ឋមន្ត្រីការងារ ក្នុងអំឡុងពេលអាណត្តិប្រធានាធិបតីដំបូងរបស់លោក Macron ។

ចំណែកស្នាដៃក្នុងនាមជារដ្ឋមន្ត្រីវិញ លោកស្រី Borne មានការកោតសរសើរយ៉ាងខ្លាំងចំពោះការកែទម្រង់ក្រុមហ៊ុនផ្លូវដែកដែលគ្រប់គ្រងដោយរដ្ឋរបស់ប្រទេសបារាំង និងអនុវត្តវិធានការណ៍ដើម្បីដោះស្រាយភាពអត់ការងារធ្វើដែលទាក់ទងនឹងជំងឺរាតត្បាតកូវីដ ១៩ ជាដើម ។