ព័ត៌មានអន្ដរជាតិ

សៀងហៃជោគជ័យផែនការកូវីដសូន្យ តែការរស់នៅប្រក្រតីរង់ចាំដល់ខែមិថុនា

បានផុស

៣ years មុន

នៅ

ថ្ងៃអង្គារ ១៧ ឧសភា ២០២២

ដោយ

ទីក្រុងសៀងហៃនៅទី១៧ ខែឧសភានេះទទួលបានជ័យជម្នះនូវពេលវេលាដ៏អស្ចារ្យ បន្ទាប់ពីរយៈពេល៣ថ្ងៃជាប់គ្នាគ្មានករណីឆ្លងកូវីដ-១៩ថ្មីឡើយនៅខាងក្រៅតំបន់ធ្វើចត្តាឡីស័ក ប៉ុន្តែប្រជាជនភាគច្រើនតម្រូវឲ្យស្ថិតនៅក្នុងផ្ទះមួយរយៈពេលសិន មុនពេលវិលត្រឡប់មកជីវិតរស់នៅប្រក្រតីវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ទីក្រុងផ្សេងៗរបស់ប្រទេសចិនដែលស្ថិតនៅក្រោមបំរាមបិទខ្ទប់ ក៏គ្មានករណីឆ្លងកូវីដ-១៩ថ្មីក្នុងសហគមន៍ ថ្ងៃទី៣ដែរដែលស្របតាមវិធានការកូវីដសូន្យ ហើយក៏ចាប់ផ្តើមលើកបំរាមជាបន្តបន្ទាប់ដែរ។

សៀងហៃដែលជាមជ្ឈមណ្ឌលពាណិជ្ជកម្មមានប្រជាជន២៥លាននាក់កាលពីថ្ងៃចន្ទម្សិលមិញបានកំណត់ពេលវេលាច្បាស់លាស់សម្រាប់ការលើកបំរាមទាំងស្រុងពោលគឺនៅក្នុងសប្តាហ៍ទី៧ ប៉ុន្តែផែនការនេះត្រូវបានអ្នកស្រុកស្ថិតនៅក្នុងបំរាមបិទខ្ទប់មានការសង្ស័យដោយសារត្រូវបានពង្រីកពេលម្តងហើយម្តងទៀត។

ទីក្រុងសៀងហៃគ្រោងបន្តសកម្មភាពខាងក្រៅតាមដំណាក់កាលដោយហាងចំាំបាច់មួយចំនួន និងឱសថស្ថានត្រូវបានបើកឡើងវិញក្នុងសប្តាហ៍នេះ ប៉ុន្តែការរឹតបន្តឹងច្រើនបំផុតនៅតែបន្តមានរហូតដល់ថ្ងៃទី២១ ខែឧសភា បន្ទាប់ពីការដឹកជញ្ជូនសាធារណៈ និងសេវាកម្មផ្សេងទៀតនឹងបន្តដំណើរការបណ្តើរៗ។

នៅថ្ងៃទី១ ខែមិថុនា បំរាមបិទខ្ទប់នឹងត្រូវលើក ប៉ុន្តែអ្នកស្រុកនឹងត្រូវស្នើឲ្យធ្វើតេស្តញឹកញាប់។ មនុស្សភាគច្រើនបំផុតត្រូវបានអនុញ្ញាតឲ្យចេញក្រៅផ្ទះក្នុងសប្តាហ៍នេះ ខណៈមានមនុស្សរត់លេងជាមួយសត្វចិញ្ចឹម និងមានអ្នកធ្វើនេសាទនៅទន្លេសៀងហៃទៀតផង។

ប៉ុន្តែរបងការពារនៅតែមានបរិវេណជុំវិញផ្ទះអ្នកស្រុកជាច្រើន និងភាគច្រើនបំផុតគ្មានរថយន្តឯកជននៅលើដងផ្លូវទេដែលមនុស្សនៅតែត្រូវបានបង្ខាំងក្នុងផ្ទះដដែល។ វាមិនច្បាស់ទេថា តើហាងត្រូវបានបើកក្នុងកម្រិតណានាសប្តាហ៍នេះ។

ផេក Facebook ផ្លូវការនៃកាសែតរបស់គណបក្សកុម្មុយនិស្តបានបង្ហោះរូបភាពកាលពីល្ងាចថ្ងៃចន្ទបានបង្ហាញពី សកម្មភាពអាហារពេលព្រឹក ភោជនីយដ្ឋាន និងហាងកាត់សក់បានបើកដំណើរការ៕

ប្រែសម្រួល៖ វីរបុត្រ
ប្រភព៖ Reuters

Related Topics: