កូរ៉េខាងជើង អាចបាញ់មីស៊ីល ICBM ពេលលោក Biden ធ្វើទស្សនកិច្ចនៅ កូរ៉េខាងត្បូង និងជប៉ុន

សារព័ត៌មានអាមេរិកបានរាយការណ៍ថា កូរ៉េខាងជើងអាចនឹងបាញ់សាកល្បងមីស៊ីលផ្លោងអន្តរទ្វីប (ICBM) ព្រមគ្នាជាមួយនឹងដំណើរទស្សនកិច្ចរបស់ប្រធានាធិបតីអាមេរិកលោក Joe Biden ទៅកាន់កូរ៉េខាងត្បូង និងជប៉ុននៅចុងសប្តាហ៍នេះ ។

ដោយដកស្រង់សម្តីពីមន្ត្រីរដ្ឋាភិបាលជាន់ខ្ពស់របស់សហរដ្ឋអាមេរិក,  ទូរទស្សន៍ CNN បានរាយការណ៍កាលពីថ្ងៃអង្គារថា កូរ៉េខាងជើងហាក់ដូចជាកំពុងរៀបចំការបាញ់សាកល្បងមីស៊ីលផ្លោងអន្តរទ្វីប ក្នុងរយៈពេលពី ៤៨ ទៅ ៩៦ ម៉ោងទៀត ។

ចំណែកទីភ្នាក់ងារព័ត៌មាន Fox News ក៏បានរាយការណ៍កាលពីថ្ងៃអង្គារដែរថា ការបាញ់បង្ហោះមីស៊ីល ICBM នេះអាចនឹងធ្វើឡើងក្នុងរយៈពេលពី ២ ទៅ ៨ ថ្ងៃខាងមុខនេះ ។

គួរបញ្ជាក់ថា ចាប់តាំងពី​ដើមឆ្នាំ​នេះមក កូរ៉េខាងជើង​បាន​បាញ់​សាកល្បង​កាំជ្រួចមីស៊ីល​ជាប្រភេទ​ផ្លោងអន្តរទ្វីប ​និងមីស៊ីល​​ប្រភេទ​ផ្សេងៗទៀតជាច្រើនគ្រាប់ ហើយក៏កំពុងរៀបចំសាកល្បងអាវុធនុយក្លេអ៊ែរចេញពីក្រោមដី ដែលនឹងក្លាយជាការបាញ់សាកល្បងលើកទី ៧ ប្រសិនបើវាកើតឡើងមែននោះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ កូរ៉េខាងជើង ឲ្យប្រើថ្នាំទាំងនេះព្យាបាលកូវីដ