ផ្ទុះការប្រយុទ្ធគ្នារវាងអ្នកគាំទ្រនាយករដ្ឋមន្ត្រី លីប៊ី

ក្រុមប្រដាប់អាវុធដែលគាំទ្រលោក Fathi Bashagha មេដឹកនាំជ្រើសតាំងថ្មីរបស់ប្រទេសលីប៊ីបានផ្ទុះការប្រយុទ្ធគ្នាជាមួយក្រុមអ្នកស្មោះស្ម័គ្រនឹងនាយករដ្ឋមន្ត្រីបណ្ដោះអាសន្នលោក Abdul Hamid Dbeibeh នៅក្នុងទីក្រុងទ្រីប៉ូលី ។

សភាលីប៊ីដែលមានមូលដ្ឋាននៅទីក្រុង Tobruk ថ្មីៗនេះបានបោះឆ្នោតជ្រើសរើសលោក Bashagha ដែលបានមកដល់ទីក្រុងទ្រីប៉ូលីនៅពេលយប់ ឲ្យជំនួសតំណែងលោក Dbeibeh ដែលកំពុងកាន់អំណាច ប៉ុន្តែត្រូវបានបង្ខំឲ្យភៀសខ្លួនចេញពីទីក្រុងវិញ ចំពេលមានអំពើហិង្សានេះផ្ទុះឡើង ។

គួរបញ្ជាក់ថា ប្រទេសលីប៊ីមាន​រដ្ឋាភិបាល​បំបែក​ខ្លួន​អស់​រយៈ​ពេល​ ២ ​ខែ​មក​ហើយ ដោយ​លោក Dbeibeh បាន​ទទូច​ថា លោក​នឹង​ប្រគល់​អំណាច​ទៅឲ្យ​រដ្ឋាភិបាល​ដែល​បង្កើត​ឡើង​តាម​រយៈ “សភា​ជាប់​ឆ្នោត” ៕

ប្រែសម្រួលដោយ ៖ ជីវ័ន្ត

ប្រភព ៖ RT