រុស្ស៊ី នឹងបំផ្លាញរោងចក្រដែក Azovstal ហើយប្រែទីក្រុង Mariupol ជាទីតាំងរមណីយដ្ឋាន

អាជ្ញាធររុស្ស៊ីដែលកាន់កាប់នៅក្នុងតំបន់ Donetsk និយាយថា ពួកគេមានគម្រោងបំផ្លាញរោងចក្រដែក Azovstal បន្ទាប់ពីវាយដណ្ដើមយកបាន ហើយក៏នឹងប្រែក្លាយទីក្រុង Mariupol ទៅជា “ទីក្រុងរមណីយដ្ឋាន” ផងដែរ ។

វិទ្យាស្ថានសិក្សាអំពីសង្គ្រាមបាននិយាយនៅក្នុងការវាយតម្លៃយុទ្ធនាការចុងក្រោយរបស់ខ្លួនថា “មុនពេលសង្គ្រាម រោងចក្រដែក Azovstal គឺជាធាតុសំខាន់នៃសេដ្ឋកិច្ចរបស់ទីក្រុង Mariupol ប៉ុន្តែរហូតមកដល់ពេលនេះ វាមានសភាពស្មុគស្មាញពេក ទើបរុស្ស៊ីសម្រេចកម្ទេចរោងចក្រនេះចោល បើគ្រប់គ្រងបានទាំងស្រុងនោះ” ។

ទន្ទឹមនោះ ប្រមុខនៃសាធារណរដ្ឋប្រជាមានិត Donetsk (DPR) ដែលរុស្ស៊ីកំពុងកាន់កាប់គឺលោក Denis Pushilin បាននិយាយផងដែរថា យើងមានបំណងសាងសង់ទីក្រុង Mariupol ឡើងវិញ ហើយប្រែវាទៅជា “ទីក្រុងរមណីយដ្ឋាន” បើទោះជា ៦០ ភាគរយនៃរចនាសម្ព័ន្ធរបស់ទីក្រុងត្រូវបានបំផ្លាញក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ តួកគី ព្រមឲ្យស៊ុយអែត និងហ្វាំងឡង់ចូលណាតូ លុះត្រាតែលក្ខខណ្ឌ ទាំងនេះកើតឡើង