ប្រព័ន្ធខែលការពារដែនអាកាសទំនើបបំផុតរបស់ រុស្ស៊ី ទៅដល់ដៃកងទ័ព នៅអ៊ុយក្រែនហើយ

ឧបនាយករដ្ឋមន្ត្រីរុស្ស៊ីលោក Yury Borisov បាននិយាយថា កងទ័ពរុស្ស៊ីនៅអ៊ុយក្រែនបានចាប់ផ្តើមទទួលប្រព័ន្ធខែលការពារដែនអាកាសស៊េរីថ្មីចុងក្រោយបង្អស់ ។

លោក Borisov បាននិយាយនៅក្នុងកិច្ចប្រជុំជាមួយមន្ត្រីកំពូលៗរបស់រុស្ស៊ីថា “កងទ័ពបានចាប់ផ្តើមទទួលនូវប្រព័ន្ធខែលការពារដែលមានមុខងារការពារដែនអាកាស និងប្រឆាំងមីស៊ីលថ្មីបំផុត ហើយអាវុធទាំងនោះគឺជាប្រព័ន្ធ S-500” ។

S-500 គឺជាប្រព័ន្ធខែលការពារដែនអាកាសថ្មីបំផុតរបស់រុស្ស៊ីដែលមានសមត្ថភាពវាយប្រហារគោលដៅនៅរយៈកម្ពស់ខ្ពស់ រួមទាំងអាវុធរបស់សត្រូវនៅជិតផែនដីផងដែរ ។

ទន្ទឹមនោះ វាក៏កើតឡើង ស្របពេលដែលរុស្ស៊ីទើបតែប្រកាសពីការប្រើប្រាស់អាវុធឡាស៊ែរជំនាន់ថ្មីឈ្មោះ Peresvet ដែលមានសមត្ថភាពដុតកម្ទេចយន្តហោះគ្មានមនុស្សបើកនៅក្នុងប្រទេសអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ Crux

ចុចអាន ៖ រុស្ស៊ី នឹងបំផ្លាញរោងចក្រដែក Azovstal ហើយប្រែទីក្រុង Mariupol ជាទីតាំងរមណីយដ្ឋាន