រុស្ស៊ី បាញ់កម្ទេចក្បួនដឹកអាវុធខ្នាតធំរបស់លោកខាងលិចទៅកាន់ អ៊ុយក្រែន

ក្រសួងការពារជាតិរបស់ទីក្រុងមូស្គូបាននិយាយថា កងកម្លាំងរុស្ស៊ីបានប្រើកាំជ្រួចមីស៊ីលរយៈចម្ងាយឆ្ងាយបាញ់កម្ទេចក្បួនដឹកជញ្ជូនអាវុធដ៏ធំដែលផ្គត់ផ្គង់ដោយលោកខាងលិចនៅភាគពាយព្យនៃប្រទេសអ៊ុយក្រែន ។

ក្រសួងបាននិយាយថា “កាំជ្រួចមីស៊ីលរយៈចម្ងាយឆ្ងាយ Kalibr ដែលដាក់ពង្រាយនៅសមុទ្របានកម្ទេចគ្រឿងសព្វាវុធ និងឧបករណ៍យោធាដ៏ធំមួយនៅជិតស្ថានីយ៍រថភ្លើង Malin ក្នុងតំបន់ Zhytomyr ដែលបញ្ជូនឲ្យអ៊ុយក្រែនពីសហរដ្ឋអាមេរិក និងបណ្តាប្រទេសនៅអឺរ៉ុប” ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោក Vladimir Putin ចាត់ទុកជា “ប្រតិបត្តិការយោធាពិសេស” បានអូសបន្លាយពេលជិត ៣ ខែហើយ បន្ទាប់ពីការវាយលុករបស់ទីក្រុងមូស្គូលើទីក្រុងកៀវផ្ទុះឡើងកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ លោក Zelensky ថា មានតែវិធីសាស្ត្រមួយនេះប៉ុណ្ណោះអាចបញ្ចប់សង្គ្រាម អ៊ុយក្រែន