មេទ័ពលោក Putin បញ្ចេញវីដេអូដឹកអ្នកប្រយុទ្ធ អ៊ុយក្រែន ដែលចុះចាញ់ នៅរោងចក្រដែក Azovstal

មេដឹកនាំតំបន់ Chechen នៃប្រទេសរុស្ស៊ីលោក Ramzan Kadyrov បានបង្ហោះលើឆានែល Telegram របស់គាត់កាលពីថ្ងៃអាទិត្យបង្ហាញពីការដឹកជញ្ជូនក្រុមសកម្មប្រយុទ្ធ Azov ដោយរូបលោកផ្ទាល់ បន្ទាប់ពីពួកគេសុំចុះចាញ់ ។

ដំបូងឡើយវីដេអូនេះបង្ហាញពីលោក Kadyrov កំពុងមើលការអង្វររបស់ពួកសកម្មប្រយុទ្ធ Azov ដែលបានចុះចាញ់នៅរោងចក្រដែក Azovstal របស់ទីក្រុង Mariupol ។ ទោះបីជាយ៉ាងណាក៏ដោយ ក្រោយមកវីដេអូនោះក៏បង្ហាញឲ្យឃើញលោក Kadyrov កំពុងបើកឡានក្រុងដឹកពួកសកម្មប្រយុទ្ធដែលត្រូវបានចាប់ខ្លួនទៅកាន់រដ្ឋធានី Grozny នៃសាធារណរដ្ឋ Chechen ។

នៅក្នុងវីដេអូនោះដែរលោក Kadyrov ក៏បានប្រាប់ពួកសកម្មប្រយុទ្ធថា “កន្លែងឈប់បន្ទាប់របស់ពួកគេគឺនៅទីក្រុង Grozny ហើយពួកគេគួរតែទទួលទោសតាមច្បាប់ផងដែរសម្រាប់អំពើឃោរឃៅទាំងអស់ដែលបានប្រព្រឹត្តប្រឆាំងនឹងប្រជាជនស៊ីវិល” ។

ពាក់ព័ន្ធនឹងការសុំចុះចាញ់នេះផងដែរ កន្លងមកលោក Kadyrov ដែលជាមេទ័ពរបស់លោក Vladimir Putin បានបង្ហាញពីជំហរ ក៏ដូចជាលទ្ធភាពនៃការដោះដូរអ្នកទោសសង្គ្រាម និងបុគ្គលិកយោធាពីកងវរសេនាតូច Azov ផងដែរ ប៉ុន្តែចំពោះក្រុមមនោគមវិជ្ជា Bandera វិញ ពួកគេមិនអាចដោះដូរបានទេទោះក្នុងកាលៈទេសៈណាក៏ដោយ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ហ្វាំងឡង់ ហ៊ានធានារឿងនេះដល់ តួកគី ដើម្បីចូលណាតូ