ព័ត៌មានអន្ដរជាតិ
អ្នកជំងឺកូវីដកូរ៉េខាងត្បូង ៦ នាក់ស្លាប់ ក្រោយរង់ចាំគ្រែមន្ទីរពេទ្យយូរពេក
មន្ត្រី និងប្រព័ន្ធផ្សព្វផ្សាយបាននិយាយកាលពីថ្ងៃសុក្រ ទី ១៨ ខែធ្នូថា អ្នកជំងឺកូវីដចំនួន ៦ នាក់បានស្លាប់នៅប្រទេសកូរ៉េខាងត្បូងក្នុងខែនេះ ខណៈពេលកំពុងរង់ចាំគ្រែមន្ទីរពេទ្យ ហើយមនុស្សរាប់រយនាក់មិនអាចទទួលបានការព្យាបាល ដោយសារករណីឆ្លងកើនឡើងលើសលប់លើប្រព័ន្ធសុខាភិបាល ។
ម្នាក់ក្នុងចំណោមអ្នកដែលបានស្លាប់កំពុងរង់ចាំគ្រែមន្ទីរពេទ្យគឺនៅផ្ទះក្នុងរដ្ឋធានីសេអ៊ូល បន្ទាប់ពីបានធ្វើតេស្តវិជ្ជមានកាលពីថ្ងៃសៅរ៍ ខណៈ ៣ នាក់ទៀតកំពុងសម្រាកព្យាបាលនៅមណ្ឌលថែទាំមួយក្នុងខេត្ត Gyeonggi ។
ទីភ្នាក់ងារសារព័ត៌មាន Yonhap បានរាយការណ៍ថា មានមនុស្សស្លាប់ ២ នាក់ផ្សេងទៀតនៅក្នុងខែធ្នូ ប៉ុន្តែមិនបានផ្តល់ព័ត៌មានលម្អិតភ្លាមៗទេ ។
លោកស្រី Park Yoo-mi មន្ត្រីធ្វើចត្តាឡីស័ករបស់រដ្ឋាភិបាលទីក្រុងសេអ៊ូលបានប្រាប់សន្និសីទកាសែតថា “យើងសូមចូលរួមរំលែកទុក្ខដ៏ក្រៀមក្រំបំផុតនេះ និងមានអារម្មណ៍ទទួលខុសត្រូវខ្ពស់ ។ ក្រុមឆ្លើយតបនៅនឹងកន្លែងក្នុងទីក្រុងសេអ៊ូលបានជួបប្រទះការលំបាកក្នុងការបែងចែកគ្រែ ដោយសារការកើនឡើងនៃករណីឆ្លងដែលបានបញ្ជាក់ និងការផ្ទុកលើសចំនួននៅក្នុងប្រព័ន្ធរដ្ឋបាល និងវេជ្ជសាស្ត្រចាប់តាំងពីដើមខែធ្នូមក” ។
ស្របពេលជាមួយគ្នានេះលោកស្រី Park ក៏បានប្តេជ្ញាពង្រឹងប្រព័ន្ធសុខភាពសាធារណៈផងដែរ និងបាននិយាយថា អ្នកជំងឺ ៥៨០ នាក់កំពុងរង់ចាំគ្រែនៅទីក្រុងសេអ៊ូលកាលពីថ្ងៃសុក្រ ខណៈដែល ២២៧ នាក់ក្នុងចំណោមពួកគេបានរង់ចាំយ៉ាងហោចណាស់ពីរថ្ងៃ ។
មន្ត្រីសុខាភិបាលបានព្រមានថា ការកើនឡើងដែលមិនធ្លាប់មានពីមុនមកនៅក្នុងករណីធ្ងន់ធ្ងរបែបនេះបានធ្វើឲ្យប៉ះពាល់ដល់ប្រព័ន្ធសុខាភិបាលដោយគ្រែថែទាំចាំបាច់មានចំនួនតិចតួចប៉ុណ្ណោះ ។
ទន្ទឹមនឹងនេះដែររដ្ឋាភិបាលកំពុងតែព្រួយបារម្ភអំពីថាតើត្រូវរឹតបន្តឹងគម្លាតសង្គមដែលមានន័យថានឹងបញ្ជាឲ្យអាជីវកម្មចំនួន ១.២ លានកន្លែងត្រូវផ្អាកប្រតិបត្តិការ ។
ប្រទេសកូរ៉េខាងត្បូងបានរាយការណ៍ពីករណីឆ្លងវីរុសកូរ៉ូណាថ្មីចំនួន ១,០៦២ ករណីកាលពីថ្ងៃសុក្រដែលជាចំនួនសរុបប្រចាំថ្ងៃខ្ពស់បំផុតមិនធ្លាប់មានពីមុន នៅពេលដែលរដ្ឋាភិបាលមានការព្រួយបារម្ភចំពោះការរឹតត្បិតតឹងរ៉ឹង និងបានព្រមានដល់អាជីវកម្មនានាក្នុងការព្យាយាមបញ្ជាទិញ ។
ទិន្នន័យពីទីភ្នាក់ងារទប់ស្កាត់ និងបង្ការជំងឺកូរ៉េ (KDCA) បានបង្ហាញថា ចំនួនឆ្លងប្រចាំថ្ងៃគឺលើសពី ១,០០០ ករណីសម្រាប់ថ្ងៃទីបីជាប់គ្នាជាលើកទីដំបូង ។
គួរបញ្ជាក់ថា គិតត្រឹមពេលនេះប្រទេសកូរ៉េខាងត្បូងមានករណីឆ្លងជំងឺកូវីដ ១៩ ចំនួន ៤៧,៥១៥ ករណី និងមានអ្នកស្លាប់ចំនួន ៦៥០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង