ព័ត៌មានអន្ដរជាតិ

សាកសព១៤នាក់ត្រូវបានរកឃើញនៅឆ្នេរខ្សាច់ប្រទេសមីយ៉ាន់ម៉ា

បានផុស

៣ years មុន

នៅ

ថ្ងៃអង្គារ ២៤ ឧសភា ២០២២

ដោយ

សាកសពចំនួន១៤នាក់ត្រូវបានរកឃើញនៅលើឆ្នេរខ្សាច់មួយក្នុងប្រទេសមីយ៉ាន់ម៉ា។ នេះបើតាមប៉ូលិសបានប្រាប់សារព័ត៌មាន AFP នៅថ្ងៃអង្គារ៍ ទី២៤ ខែឧសភានេះ ដែលយោងតាមទីភ្នាក់ងារជនភៀសខ្លួនអង្គការសហប្រជាជាតិបានដកស្រងរបាយការណ៍ថា ក្នុងចំណោមនោះមានកុមារជនជាតិរ៉ូហ៊ីងយ៉ាផងដែរ។

យោងតាម UNHCR បានឲ្យដឹងថា យ៉ាងហោចណាស់មនុស្ស១៧នាក់ត្រូវបានភ័យខ្លាចពីការស្លាប់ បន្ទាប់ពីទូករបស់ពួកគេបានលិច។ ក្រុមការងារជួយសង្គ្រោះបាននិយាយថា ក្រុមមនុស្សទាំងនោះបានព្យាយាមឆ្លងចូលទៅប្រទេសម៉ាឡេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វរសេនីយ៍ទោ Tun Shwe អ្នកនាំពាក្យប៉ូលិសស្រុក Pathein ដែលមានចម្ងាយប្រមាណ២០០គីឡូម៉ែត្រភាគខាងលិចទីក្រុងយ៉ាំងហ្គោន បាននិយាយថា ៖«សាកសព១៤នាក់ត្រូវបានប្រទាស់ឃើញ និងមនុស្ស៣៥នាក់រាប់ទាំងម្ចាស់ទូកផងត្រូវបានជួយសង្គ្រោះឲ្យមានជីវិត»។

ទោះបីជាយ៉ាងណា ព័ត៌មានលំអិតមិនត្រូវបានបញ្ជាក់ឡើយដោយ UNHCR បាននិយាយថា ទូកដែលតាមសេចក្តីរាយការណ៍បានចេញពីឆ្នេរ Sittwe ភាគខាងលិចប្រទេសមីយ៉ាន់ម៉ាកាលពីថ្ងៃទី១៩ ខែឧសភា និងពីរថ្ងៃក្រោយមក បានជួបនឹងទឹករលកដ៏អាក្រក់ក៏បានលិច។

សមាជិកម្នាក់នៃក្រុមជួយសង្គ្រោះមីយ៉ាន់ម៉ាស្រុក Pathein ដែលសុំមិនបញ្ចេញឈ្មោះបាននិយាយថា សាកសព៨នាក់ត្រូវបានរកឃើញកាលពីថ្ងៃអាទិត្យនៅលើឆ្នេរខ្សាច់។

សកម្មជនរ៉ូហ៊ីងយ៉ាបានប្រាប់ AFP ថា ស្ត្រី១២នាក់ និងក្មេងប្រុស២នាក់បានស្លាប់។ ទូកបានដឹកមនុស្សចេញពីទីប្រជុំជន Buthidaung, Maungdaw និង Sittwe ប្រទេសមីយ៉ាន់ម៉ា។

អ្នកនាំពាក្យប៉ូលិសបាននិយាយថា អ្នកនៅរស់រានមានជីវិតបានប្រាប់ជួយសង្គ្រោះថា មនុស្ស៦១នាក់បានជិះនៅលើទូក ហើយមនុស្ស១២នាក់កំពុងបាត់ខ្លួន។ អ្នកត្រូវបានសង្គ្រោះទាំងនោះកំពុងត្រូវបានឃុំនៅអធិការប៉ូលិសស្រុក Pathein៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសមីយ៉ាន់ម៉ា