រុស្ស៊ី នឹងលែងនាំចូលទំនិញរបស់លោកខាងលិច ដោយពឹងផ្អែកតែផលិត ផលខ្លួនឯងប៉ុណ្ណោះ

រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយកាលពីថ្ងៃចន្ទថា ហេដ្ឋារចនាសម្ព័ន្ធសំខាន់ៗរបស់រុស្ស៊ីត្រូវតែលែងពឹងផ្អែកលើទំនិញដែលផ្គត់ផ្គង់ដោយប្រទេសលោកខាងលិច ។

លោក Lavrov បាននិយាយក្នុងអំឡុងព្រឹត្តិការណ៍មួយដែលរៀបចំដោយសាលា Evgeny Primakov Gymnasium ថា “ឥឡូវ​នេះយើង​កំពុង​បង្កើត​ដំណើរ​ការ​មួយ​ចំនួន​ជំនួស​ការ​នាំ​ចូល​ទំនិញរបស់លោកខាងលិច” ។

រដ្ឋមន្ត្រីការបរទេសរុស្ស៊ីរូបនេះបានបន្ថែមថា “យើងត្រូវតែបញ្ឈប់នៅគ្រប់វិធីទាំងអស់ដែលពឹងផ្អែកលើការផ្គត់ផ្គង់ពីលោកខាងលិច ដើម្បីធានាដល់ការអភិវឌ្ឍន៍នៃឧស្សាហកម្មសំខាន់ៗសម្រាប់សន្តិសុខ សេដ្ឋកិច្ច និងសង្គមជាតិរបស់យើង” ។

លោក Lavrov បញ្ជាក់ថា រុស្ស៊ីនឹងពឹងផ្អែកតែលើផលិតផលខ្លួនឯងប៉ុណ្ណោះ ហើយរុស្ស៊ីនឹងគិតហើយគិតទៀត ប្រសិនបើលោកខាងលិចស្នើអ្វីពាក់ព័ន្ធនឹងការបន្តទំនាក់ទំនងឡើងវិញជាមួយទីក្រុងមូស្គូ ។

ជាចុងក្រោយលោក ​ Lavrov បាន​សង្កត់​ធ្ងន់​ថា ប៉ុន្តែប្រសិន​បើ​ប្រទេស​លោក​ខាង​លិច​​ផ្តល់​ទម្រង់​នៃ​កិច្ច​សហប្រតិបត្តិការ​ល្អណាមួយនោះ​ យើង​នឹងធ្វើការ​សម្រេច​ចិត្តតបទៅតាមនោះវិញផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ សារព័ត៌មានជប៉ុន NHK ៖ អ្នកការទូត រុស្ស៊ី ប្រចាំ UN លាលែងពីតំណែង ជាការតវ៉ាប្រឆាំងសង្គ្រាមអ៊ុយក្រែន