Connect with us

ព័ត៌មានអន្ដរជាតិ

ប្រកាសបើកទទួលភ្ញៀវទេសចរមិនបានប៉ុន្មានផង ថៃរកឃើញករណីឆ្លងកូវីដក្នុងសហគមន៍

បានផុស

នៅ

មន្ត្រីសុខាភិបាលបាននិយាយនៅថ្ងៃសុក្រ ទី១៨ ខែធ្នូ ថា ប្រទេសថៃមានករណីឆ្លងជំងឺកូវីដ ១៩ ថ្មីក្នុងតំបន់ចំនួន ៤ ករណីបន្ថែមទៀត ខណៈដែលប្រទេសនេះបានចាប់ផ្តើមបើកប្រទេសឡើងវិញសម្រាប់ភ្ញៀវទេសចរ បន្ទាប់ពីគ្រប់គ្រងការរីករាលដាលនៃជំងឺនេះអស់ជាច្រើនខែ ។

មន្ត្រីសុខាភិបាលជាន់ខ្ពស់លោក Sopon Iamsirithaworn បានប្រាប់សន្និសីទសារព័ត៌មានថា ស្ត្រីអាយុ ៦៧ ឆ្នាំម្នាក់ដែលជាអ្នកលក់បង្គានៅខេត្ត Samut Sakhon ត្រូវបានបញ្ជាក់ថាបានធ្វើតេស្តវិជ្ជមានជំងឺនេះ ខណៈដែលមនុស្ស ៣ នាក់នៃក្រុមគ្រួសាររបស់ស្រ្តីរូបនេះក៏បានធ្វើតេស្តវិជ្ជមានផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីខាងលើបាននិយាយថា ស្រី្តរូបនោះមិនមានប្រវត្តិធ្វើដំណើរក្រៅប្រទេសនោះទេ ហើយពួកគេកំពុងរង់ចាំលទ្ធផលនៃការធ្វើតេស្តលើមនុស្សចំនួន ១៦៥ នាក់ផ្សេងទៀតដែលមានទំនាក់ទំនងជិតស្និទ្ធជាមួយស្ត្រីនោះ ខណៈក្រុមមន្ត្រីក៏កំពុងប្រមូលព័ត៌មានដើម្បីរកប្រភពដើមនៃការឆ្លងនេះផងដែរ ។

ការឆ្លងថ្មីនេះកើតឡើងនៅពេលដែលអាជ្ញាធរថៃកាលពីថ្ងៃព្រហស្បតិ៍បានចាប់ផ្តើមបន្ធូរបន្ថយការរឹតបន្តឹងការធ្វើដំណើរដើម្បីអនុញ្ញាតឲ្យភ្ញៀវទេសចរបរទេសវិលត្រឡប់មកប្រទេសនេះវិញក្នុងគោលបំណងដើម្បីស្តារឧស្សាហកម្មទេសចរណ៍ដែលកំពុងធ្លាក់ចុះខ្លាំង ។

ប្រទេសថៃបានបន្ធូរបន្ថយការរឹតត្បិតសម្រាប់ពលរដ្ឋមកពីជាង ៥០ ប្រទេស ប៉ុន្តែអ្នកទេសចរនឹងត្រូវធ្វើចត្តាឡីស័ករយៈពេល ២ សប្តាហ៍នៅពេលមកដល់ ហើយនឹងត្រូវបង្ហាញវិញ្ញាបនប័ត្រសុខភាពដើម្បីបង្ហាញថាពួកគេមិនមានករណីឆ្លងជំងឺកូវីដ ១៩ ក្នុងរយៈពេល ៧២ ម៉ោងមុនពេលធ្វើដំណើរ ។

គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ ចំនួន ៤,៣៣១ ករណី និងមានអ្នកស្លាប់ចំនួន ៦០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៣ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៣ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានជាតិ៤ ម៉ោង មុន

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម