ព័ត៌មានអន្ដរជាតិ

ក្រោយជាប់ឆ្នោតអាណត្តិទី ២ ដឹងទេ មេ WHO កាន់តំណែងនេះតាំងឆ្នាំណា មក

បានផុស

៣ years មុន

នៅ

ថ្ងៃព្រហស្បតិ៍ ២៦ ឧសភា ២០២២

ដោយ

លោក Tedros Adhanom Ghebreyesus ត្រូវបានបោះឆ្នោតជ្រើសរើសឲ្យធ្វើជាអគ្គនាយកអង្គការសុខភាពពិភពលោក (WHO) សម្រាប់អាណត្តិទី ២ រយៈពេល ៥ បន្តទៀត ពោលរហូតដល់ឆ្នាំ ២០២៧ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tedros ដែលជាអ្នកស្រាវជ្រាវសុខភាពសាធារណៈជនជាតិអេត្យូពីបានកាន់តំណែងជាអគ្គនាយក WHO ចាប់តាំងពីឆ្នាំ ២០១៧ មកម្ល៉េះ ហើយលោកគឺជាជនជាតិអាហ្វ្រិកដំបូងគេដែលកាន់តំណែងមួយនេះ បន្ទាប់ពីត្រូវបានគាំទ្រដោយសហភាពអាហ្វ្រិក ។

អំឡុងពេលដឹកនាំ WHO រយៈពេល ៥ ឆ្នាំកន្លងមកនេះ លោក Tedros បានដើរតួនាទីក្នុងការឆ្លើយតបទៅនឹងការផ្ទុះឡើងនៃជំងឺអេបូឡា និងជំងឺរាតត្បាតកូវីដ ១៩ ខណៈពេលថ្មីៗនេះក៏កំពុងតាមដានជំងឺអុតស្វាផងដែរ ។

គួរបញ្ជាក់ថា មុនពេលត្រូវបានតែងតាំងជាអគ្គនាយក WHO លោក Tedros ធ្លាប់បានបម្រើការជារដ្ឋមន្ត្រីក្រសួងសុខាភិបាលប្រទេសអេត្យូពីពីឆ្នាំ ២០០៥ ដល់ឆ្នាំ ២០១២ និងជារដ្ឋមន្ត្រីការបរទេសពីឆ្នាំ ២០១២ ដល់ឆ្នាំ ២០១៦ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ពិភពលោកកំពុងល្វីងមុខនឹងបញ្ហាធំៗចំនួន ៣