កុមារដែលស្លាប់នៅរដ្ឋ តិចសាស់ សុទ្ធតែមានអាយុក្រោម ១១ឆ្នាំ រៀនថ្នាក់ទី៤ ទាំងអស់

ក្មេងៗទាំងអស់ដែលស្លាប់ ក្នុងការបាញ់សម្លាប់រង្គាលនៅរដ្ឋតិចសាស់ កាលពីថ្ងៃអង្គារទី២៤ខែឧសភា គឺជាសិស្សរៀនថ្នាក់ទី៤ទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្មាន់កាំភ្លើងឈ្មោះ Salvador Ramos បានបាញ់សម្លាប់ពួកគេជាមួយនឹងកាំភ្លើង AR-15 ដែលគាត់បានទិញដោយស្របច្បាប់ នៅថ្ងៃខួបកំណើតគម្រប់អាយុ ១៨ឆ្នាំ។

សិស្សចំនួន១៩នាក់និងគ្រូបង្រៀន២នាក់ ត្រូវបាន Ramos បាញ់សម្លាប់នៅឯសាលាបឋមសិក្សា Robb ក្នុងទីក្រុង Uvalde នៃរដ្ឋតិចសាស់។

បន្ថែមពីលើអ្នកដែលស្លាប់ កុមារជាច្រើននាក់ទៀតត្រូវបានគេរាយការណ៍ថា រងរបួសក្នុងការវាយប្រហារ។

នាយកដ្ឋានសុវត្ថិភាពសាធារណៈរដ្ឋតិចសាស់ បានឲ្យដឹងកាលពីថ្ងៃពុធថា ជនរងគ្រោះម្នាក់ៗដែលសុទ្ធតែមានអាយុក្រោម១១ឆ្នាំ ត្រូវបានសម្លាប់នៅក្នុងបន្ទប់រៀនតែមួយ។ ពេលនេះ អាជ្ញាធរនៅតែបន្តវាយតម្លៃអំពីស្ថានភាព និងកំណត់អត្តសញ្ញាណជនរងគ្រោះទាំងអស់។

ក្នុង​ចំណោម​ក្មេងទាំង​១៩​នាក់​ដែល​ត្រូវ​គេ​សម្លាប់ ​មក​ទល់​ពេល​នេះ មាន​១៧​នាក់ហើយ ដែល​ត្រូវ​បាន​បង្ហាញ​ឈ្មោះ។

ក្មេងជំទង់ជាខ្មាន់កាំភ្លើង ត្រូវគេរៀបរាប់ថា ជាមនុស្សឯកោចូលចិត្តធ្វើបាបខ្លួនឯង ហើយតែងតែត្រូវបានគេមាក់ងាយដោយសារតែសម្លៀកបំពាក់របស់គាត់ ប៉ុន្តែក្រោយមកគាត់ សន្សំប្រាក់បានជិត ៥០០០ ដុល្លារដើម្បីទិញកាំភ្លើង AR-15 ចំនួនពីរដើម និងគ្រាប់ចំនួនបីរយគ្រាប់ បន្ទាប់ពីថ្ងៃខួបកំណើត កាលពីសប្តាហ៍មុន៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ តាមពិត ខ្មាន់កាំភ្លើងបង្ហោះ Facebook ៣ដងហើយ មុនបាញ់ប្រហារនៅ សាលាបឋមសិក្សារដ្ឋ តិចសាស់