ព័ត៌មានអន្ដរជាតិ
Twitter នឹងបង់១៥០លានដុល្លារចំពោះការបំពានសុវត្ថិភាព-ឯកជនភាពជាមួយអាមេរិក
ក្រុមហ៊ុនបណ្តាញទំនាក់ទំនងសង្គម Twitter បានយល់ព្រមបង់ប្រាក់ចំនួន១៥០លានដុល្លារអាមេរិកដើម្បីដោះស្រាយការចោទប្រកាន់ពីបទការប្រើប្រាស់ព័ត៌មានឯកជនខុសដូចជាលេខទូរសព្ទជាដើមដើម្បីកំណត់គោលដៅផ្សាយពាណិជ្ជកម្ម បន្ទាប់ពីប្រាប់អ្នកប្រើប្រាស់ថា ព័ត៌មានផ្ទាល់ខ្លួននឹងប្រើសម្រាប់ហេតុផលសុវត្ថិភាពប៉ុណ្ណោះ។ នេះបើយោងតាមឯកសារតុលាការកាលពីថ្ងៃពុធ ទី២៥ ខែឧសភា។
យោងតាមឯកសារតុលាការបង្ហាញថា ដំណោះស្រាយរបស់ Twitter គ្របដណ្តប់ចំពោះការចោទប្រកាន់ថា ខ្លួនបានបំពានលើសុវត្ថិភាព និងឯកជនភាពនៃទិន្នន័យអ្នកប្រើប្រាស់ចន្លោះខែឧសភា ឆ្នាំ២០១៣ និងខែកញ្ញា ឆ្នាំ២០១៩។
ក្រុមហ៊ុននឹងបង់ប្រាក់ចំនួន១៥០លានដុល្លារជាផ្នែកនៃការទូទាត់ដែលត្រូវបានប្រកាសដោយក្រសួងយុត្តិធម៌អាមេរិក និងគណៈកម្មការពាណិជ្ជកម្មសហព័ន្ធ (FTC)។ បន្ថែមលើការទូទាត់ជាប្រាក់ កិច្ចព្រមព្រៀងក៏តម្រូវឲ្យ Twitter កែលំអចំពោះការអនុវត្តច្បាប់របស់ខ្លួនផងដែរ។
ពាក្យបណ្តឹងបាននិយាយថា ការបកស្រាយមិនត្រឹមត្រូវបានបំពានច្បាប់គណៈកម្មការពាណិជ្ជកម្មសហព័ន្ធ និងដំណោះស្រាយឆ្នាំ២០១១ជាមួយទីភ្នាក់ងារ។
ពាក្យបណ្តឹងបានលើកឡើងថា ៖«ជាពិសេស ខណៈពេល Twitter បង្ហាញអ្នកប្រើប្រាស់ថា ខ្លួនប្រមូលទិន្នន័យផ្ទាល់ខ្លួនមានលេខទូរសព្ទ និងអ៉ីមែលដើម្បីប្រើសម្រាប់សុវត្ថិភាពគណនីរបស់អ្នកប្រើប្រាស់ ប៉ុន្តែ Twitter មិនបានប្រាប់ថា ខ្លួនក៏ប្រើប្រាស់ព័ត៌មានទំនាក់ទំនងដើម្បីជួយដល់អ្នកផ្សាយពាណិជ្ជកម្មនៅក្នុងការឈានទៅដល់អតិថិជនគោលឡើយ»។
នាយកប្រតិបត្តិផ្នែកឯកជនភាពរបស់ Twitter លោក Damien Kieran បាននិយាយក្នុងសេចក្តីប្រកាសមួយថា ៖«នៅក្នុងដំណោះស្រាយ យើងបានតម្រឹមជាមួយទីភ្នាក់ងារអំពីការធ្វើបច្ចុប្បន្នភាពប្រតិបត្តិការ និងធ្វើឲ្យកម្មវិធីល្អប្រសើរឡើងដើម្បីការពារសុវត្ថិភាព និងឯកជនភាពរបស់អ្នកប្រើប្រាស់»។
Twitter ជាសេវាកម្មឥតគិតថ្លៃដែលរកប្រាក់ចំណូលចម្បងតាមរយៈការផ្សាយពាណិជ្ជកម្ម។ មហាសេដ្ឋីលោក Elon Musk ដែលកំពុងទិញ Twitter ក្នុងតម្លៃ៤៤ប៊ីលានដុល្លារអាមេរិកបានរិះគន់ពីគំរូអាជីវកម្មដែលជំរុញការផ្សាយពាណិជ្ជកម្ម និងបានសន្យាធ្វើពិពិធកម្មប្រភពចំណូលរបស់វា។
មន្ត្រីអាមេរិកបានបង្ហាញថា ក្នុងចំណោមប្រាក់ចំណូល ៣.៤ប៊ីលានដុល្លារអាមេរិកដែល Twitter រកបានកាលពីឆ្នាំ២០១៩ គឺប្រហែលជា៣ប៊ីលានដុល្លារបានមកពីការផ្សាយពាណិជ្ជកម្ម។ កាលពីឆ្នាំ២០២១ ក្រុមហ៊ុននេះរកបានប្រាក់ចំណូលបានដល់៥ប៊ីលានដុល្លារ៕
ប្រែសម្រួល៖ វីរបុត្រ
ប្រភព៖ Reuters
ផលិតករភាពយន្តខ្នាតធំដ៏ល្បីរបស់បរទេស ស្នើយកប្រទេសកម្ពុជា ពិសេសតំបន់អង្គរវត្តជាទីតាំងផលិតវិដេអូ
រដ្ឋបាលខេត្តពោធិ៍សាត់ ច្រានចោលការចុះផ្សាយគណនីហ្វេសបុកម្នាក់ថា អាជ្ញាធរកំពុងកាន់កាប់ដីធ្លីក្នុងតំបន់អភិរក្ស ភ្នំ១៥០០
នគរបាលខេត្តបន្ទាយមានជ័យ ចុះអប់រំផ្សព្វផ្សាយពលរដ្ឋតាមមូលដ្ឋាន ដើម្បីទប់ស្កាត់អគ្គិភ័យនារដូវក្តៅ
ម៉ាស៊ីនលាងឈាមទំនើបតម្លៃជាង ១៦,០០០ដុល្លារ ត្រូវប្រគល់ជូនមន្ទីរពេទ្យបង្អែកខេត្តកំពង់ឆ្នាំង
សកម្មជនប្រឆាំងថៃប្តេជ្ញាតតាំងប្រឆាំងនឹងច្បាប់កាស៊ីណូ និងអាជីវកម្មកម្សន្ត
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
មន្ទីរសុខាភិបាលភ្នំពេញ ឱ្យម្ចាស់ហ្វេសប៊ុក Mommy Natural លុបវីដេអូដែលថា លេបប្រមាត់ទាកាប៉ាស្រស់ល្អសម្រាប់អ្នកកាត់ប្រមាត់
នាយករដ្ឋមន្ត្រី៣រូបក្នុងត្រកូល «ស៊ីណាវ៉ាត្រា» មានវាសនាខ្ពស់រួចផុតពីការទម្លាក់អំណាចដោយសភា ប៉ុន្តែ២រូបឆ្លងមិនផុតរដ្ឋប្រហារ
មេសន្តិសុខជាតិប៉ូឡូញ៖ បើរុស្ស៊ីវាយ ខ្លួនអាចទប់ជាប់បានត្រឹម២សប្តាហ៍ប៉ុណ្ណោះ
ហ្សេលេនស្គី ថា ពូទីន នឹងស្លាប់ឆាប់ៗ
-
ព័ត៌មានអន្ដរជាតិ៣ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៧ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១៦ ម៉ោង agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៦ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ
-
ព័ត៌មានអន្ដរជាតិ៦ ថ្ងៃ agoអង់គ្លេស បិទអាកាសយានដ្ឋាន Heathrow ដោយសារអគ្គិភ័យ បង្កផលប៉ះពាល់ដល់ការធ្វើដំណើរទូទាំងពិភពលោក