អាមេរិក រៀបចំ​បញ្ជូន​ប្រព័ន្ធ​រ៉ុកកែត​រយៈ​ចម្ងាយ​ឆ្ងាយ​ដ៏ទំនើបទៅ ​អ៊ុយក្រែន (មានវីដេអូ)

សារព័ត៌មាន CNN បានរាយការណ៍ថា សហរដ្ឋអាមេរិកកំពុងរៀបចំ បញ្ជូនប្រព័ន្ធរ៉ុកកែតរយៈចម្ងាយឆ្ងាយដ៏ទំនើបទៅកាន់ប្រទេសអ៊ុយក្រែន ដែលនេះជារឿងដ៏គួរឲ្យកត់សម្គាល់ ចំពោះប្រភេទអាវុធដែលខ្លួនកំពុងផ្តល់ទៅឲ្យទីក្រុង កៀវ។

ដំណឹង​នេះ​កើត​ឡើង ​ក្រោយពេល​មាន​ការ​អង្វរករ​ពី​ប្រធានាធិបតីអ៊ុយក្រែន លោក Volodymyr Zelensky សុំ​ប្រព័ន្ធ​បែប​នេះ ដែល​អាច​បាញ់​គ្រាប់រ៉ុកកែតជាច្រើនគ្រាប់ ក្នុងរយៈ​ចម្ងាយ​រាប់រយ​គីឡូម៉ែត្រ។

ប្រព័ន្ធរ៉ុកកែតបាញ់ច្រើនគ្រាប់ (MLRS) នឹងជួយ កងកម្លាំងប្រដាប់អាវុធអ៊ុយក្រែន អាចបាញ់រ៉ុកកែតបានកាន់តែឆ្ងាយ។

ទោះបីជាយ៉ាងណាក៏ដោយ មានការព្រួយបារម្ភថា ប្រព័ន្ធនេះ អាចត្រូវបានអ៊ុយក្រែនប្រើប្រាស់ ដើម្បីវាយប្រហារលើគោលដៅនានានៅខាងក្នុងប្រទេសរុស្ស៊ី និងបង្កើនហានិភ័យ។

យោងតាមសារព័ត៌មាន CNN, រដ្ឋបាលលោក Biden ត្រូវបានគេជឿថា កំពុងរៀបចំសម្រាប់ការបញ្ជូនអាវុធនេះ ជាផ្នែកមួយនៃកញ្ចប់ជំនួយ ដែលអាចប្រកាសនៅសប្តាហ៍ក្រោយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ អ៊ុយក្រែន ទទួលស្គាល់ បរាជ័យដ៏ធំ