ព័ត៌មានអន្ដរជាតិ

រដ្ឋមន្ត្រីហិរញ្ញវត្ថុថា រុស្ស៊ីត្រូវការធនធានហិរញ្ញវត្ថុច្រើនណាស់ដើម្បីប្រតិបត្តិការយោធា

បានផុស

៣ years មុន

នៅ

ថ្ងៃសៅរ៍ ២៨ ឧសភា ២០២២

ដោយ

រុស្ស៊ីត្រូវការធនធានហិរញ្ញវត្ថុច្រើនណាស់ដើម្បីទ្រទ្រង់ប្រតិបត្តិការយោធារបស់ខ្លួននៅប្រទេសអ៊ុយក្រែន។ នេះជាការលើកឡើងរដ្ឋមន្ត្រីក្រសួងហិរញ្ញវត្ថុរុស្ស៊ី លោក Anton Siluanov កាលពីថ្ងៃសុក្រ។

រុស្ស៊ីបានបញ្ជូនកម្លាំងទ័ពរាប់ម៉ឺននាក់ទៅអ៊ុយក្រែន និងបើកការវាយប្រហារនៅថ្ងៃទី២៤ ខែកុម្ភៈ ដែលជំរុញឲ្យប្រទេសលោកខាងលិចដាក់ទណ្ឌកម្មយ៉ាងខ្លាំងប្រឆាំងនឹងរដ្ឋាភិបាលក្រុងមូស្គូដែលបានជំរុញឲ្យកើតមានអតិផរណាជិត១៨%។

«លុយ ធនធានដ៏ច្រើនត្រូវការសម្រាប់ប្រតិបត្តិការយោធាពិសេស»។ លោក Siluanov បាននិយាយក្នុងការធ្វើបទបង្ហាញមួយនៅសាកលវិទ្យាល័យហិរញ្ញវត្ថុមូស្គូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីរុស្ស៊ី វ្លាឌីមៀរ ពូទីន ក្នុងសប្តាហ៍នេះបានបញ្ជាឲ្យដំឡើងប្រាក់សោធនិវត្តន៍ និងប្រាក់ឈ្នួលអប្បបរមា ១០% ដើម្បីគាំទ្រដល់ប្រជាជនរុស្ស៊ីពីអតិផរណា ប៉ុន្តែបានបដិសេធចំពោះបញ្ហាសេដ្ឋកិច្ចពាក់ព័ន្ធសុទ្ធសាធទៅនឹងអ្វីដែលរុស្ស៊ីហៅថា ប្រតិបត្តិការយោធាពិសេសនៅអ៊ុយក្រែន។

លោក Siluanov បាននិយាយថា វិធានការនេះនឹងធ្វើឲ្យមានការចំណាយថវិកាសហព័ន្ធប្រមាណ៦០០ប៊ីលានរូបិ៍លក្នុងឆ្នាំនេះ និងប្រហែលជា១ទ្រីលានរូបិ៍លក្នុងឆ្នាំ២០២៣។

ក្នុងបទសម្ភាសជាមួយទូរទស្សន៍ផ្សាយកាលពីយប់ថ្ងៃសុក្រ លោក Siluanov បាននិយាយថា រុស្ស៊ីនឹងទទួលបានដល់ទៅ១ទ្រីលានរូបិ៍លពីចំណូលនាំចេញប្រេង និងឧស្ម័នក្នុងឆ្នាំនេះ ដែលប្រាក់ទាំងនេះនឹងចរន្តឈាមសម្រាប់ចំណាយលើសុខមាលភាពសង្គមកើនឡើង។

លោក Siluanov ក៏បានការពារពីការគ្រប់គ្រងមូលធន និងការបង្កកទ្រព្យសម្បត្តិសម្រាប់វិនិយោគិនបរទេសពីប្រទេសអមិត្តដែលទីក្រុងមូស្គូដាក់ទណ្ឌកម្មដើម្បីឆ្លើយតបនឹងទណ្ឌកម្មរបស់លោកខាងលិច។

«យើងខ្ញុំនឹងរក្សាទុកការវិនិយោគដែលត្រូវបានធ្វើដោយបរទេសពីប្រទេសអមិត្តនៅប្រទេសរុស្ស៊ី នៅក្នុងវិធីសាស្ត្រដូចគ្នាដូចដែលពួកគេនឹងរក្សាទុកមាស និងទុនបម្រុងរបស់យើងដែរ»។ Siluanov បាននិយាយដោយសំដៅទៅលើចំណាត់ការរបស់ប្រទេសលោកខាងលិចដែលបង្កកប្រាក់បម្រុងអន្តរជាតិរបស់រុស្ស៊ីប្រមាណ៣០០ប៊ីលានដុល្លារអាមេរិកដែលបានប្រមូលជាច្រើនឆ្នាំមកហើយ៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសរុស្ស៊ី