ព័ត៌មានអន្ដរជាតិ
អាល្លឺម៉ង់ក៏ចាក់វ៉ាក់សាំងកូវីដដល់ក្រុមមនុស្សប្រភេទនេះមុនគេដែរ
រដ្ឋមន្រ្តីក្រសួងសុខាភិបាលអាល្លឺម៉ង់លោក Jens Spahn បាននិយាយកាលពីថ្ងៃសុក្រថា ក្រុមមនុស្សដែលមានអាយុលើសពី ៨០ ឆ្នាំនឹងទទួលបានវ៉ាក់សាំងកូវីដ ១៩ ដំបូងគេនៅក្នុងប្រទេសអាល្លឺម៉ង់ ។
ថ្លែងនៅក្នុងសន្និសីទសារព័ត៌មាននៅទីក្រុង Berlin លោក Spahn បាននិយាយថា ក្រសួងរបស់លោកបានកំណត់អត្តសញ្ញាណក្រុមដែលនឹងត្រូវផ្តល់អាទិភាពសម្រាប់ការចាក់វ៉ាក់សាំងនេះរួចហើយ ហើយគ្រោងនឹងចាប់ផ្តើមនៅសប្តាហ៍ក្រោយ ។

លោកបាននិយាយថា “យើងនឹងផ្តល់ការចាក់វ៉ាក់សាំងជាមុនដល់អ្នកដែលត្រូវការការការពារជាបន្ទាន់ អ្នករស់នៅតាមផ្ទះ អ្នកដែលមានអាយុលើសពី ៨០ ឆ្នាំ និងបុគ្គលិកផ្សេងទៀតជាដើម” ។
ជិត ៥០ ភាគរយនៃអ្នកដែលបានស្លាប់ដោយសារជំងឺនៅប្រទេសអាល្លឺម៉ង់រហូតមកដល់ពេលនេះគឺជាមនុស្សដែលមានអាយុលើសពី ៨០ ឆ្នាំ ។

ទន្ទឹមនោះបុគ្គលិកថែទាំសុខភាពរដ្ឋ និងសង្គមជួរមុខក៏ស្ថិតក្នុងចំណោមអ្នកដែលត្រូវទទួលបានការចាក់វ៉ាក់សាំងនេះផងដែរ ខណៈក្រុមអាទិភាពទី ២ ដែលកំណត់ដោយក្រសួងសម្រាប់ការចាក់វ៉ាក់សាំងនេះរួមមានមនុស្សដែលមានអាយុលើសពី ៧០ ឆ្នាំដែលមានជំងឺវង្វេងវង្វាន់ និងមិនមានជំងឺប្រតិកម្ម ។
ស្របពេលជាមួយគ្នានេះមនុស្សដែលមានអាយុលើសពី ៦០ ឆ្នាំ អ្នកជំងឺរ៉ាំរ៉ៃ និងបុគ្គលិកនៃវិស័យសាធារណៈដែលកំពុងធ្វើការក្រោមហានិភ័យខ្ពស់ក៏ត្រូវបានបញ្ចូលក្នុងក្រុមអាទិភាពទី ៣ ផងដែរ ។

ប្រទេសអាល្លឺម៉ង់គ្រោងនឹងចាប់ផ្តើមចាក់វ៉ាក់សាំងកូវីដ ១៩ នៅថ្ងៃទី ២៧ ខែធ្នូ ប្រសិនបើនិយតករអឺរ៉ុបអនុម័តការចាក់វ៉ាក់សាំងក្រុមហ៊ុន Pfizer-BioNTech នៅសប្តាហ៍ក្រោយ ។
គួរបញ្ជាក់ថា គិតត្រឹមពេលនេះប្រទេសអាល្លឺម៉ង់មានករណីឆ្លងជំងឺកូវីដ ១៩ ចំនួន ១,៤៦៩,៩៩១ ករណី និងមានអ្នកស្លាប់ចំនួន ២៦,០០៣ នាក់ ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ