អ៊ុយក្រែន កំពុងរៀបចំផែនការប្រើ “អាវុធគីមី” ហើយទម្លាក់កំហុសលើ រុស្ស៊ី

លោកវរសេនីយ៍ឯក Mikhail Mizintsev ប្រធានមជ្ឈមណ្ឌលគ្រប់គ្រងការពារជាតិនៃសហព័ន្ធរុស្ស៊ីបាននិយាយថា ពួកសកម្មប្រយុទ្ធអ៊ុយក្រែនកំពុងរៀបចំការបង្កហេតុជាមួយនឹងការប្រើប្រាស់សារធាតុពុលក្នុងប្រទេស ហើយទម្លាក់ការចោទប្រកាន់មកលើកងកម្លាំងប្រដាប់អាវុធរុស្ស៊ី ។

លោក Mizintsev បាននិយាយថា ពួក Neo-Nazis អ៊ុយក្រែនគ្រោងនឹងបើកការបាញ់ប្រហារនៅតំបន់លំនៅដ្ឋានមួយក្នុងទីក្រុង Sumy ជិតព្រំដែនជាមួយប្រទេសរុស្ស៊ី ដើម្បីបង្កឲ្យមានការវាយប្រហារសងសឹកពីសំណាក់កងកម្លាំងរុស្ស៊ី ហើយបន្ទាប់មកពួកគេបំផ្ទុះធុងផ្ទុកសារធាតុគ្រោះថ្នាក់គីមី ។

ចំណែកអ្នកកាសែតបរទេស និងអ្នកឆ្លើយឆ្លងព័ត៌មានដែលបច្ចុប្បន្នកំពុងស្នាក់នៅក្នុងក្រុង Sumy ត្រូវបានពួកសកម្មប្រយុទ្ធបញ្ជាឲ្យបិទបាំងការញុះញង់ និងចែកចាយព័ត៌មាន ក៏ដូចជារូបភាពបែបនេះទៅក្រៅប្រទេស ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលជាង ៣ ខែមកហើយ បន្ទាប់ពីផ្ទុះការវាយលុករបស់ទីក្រុងមូស្គូលើទីក្រុងកៀវកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ Putin ព្រមានពីភាពធ្ងន់ធ្ងរបន្ថែមទៀត បើលោកខាងលិចនៅតែផ្ដល់អាវុធឲ្យ អ៊ុយក្រែន