Connect with us

ព័ត៌មានអន្ដរជាតិ

ពូទីន ចាំតែបើកផ្លូវនាំចេញគ្រាប់ធញ្ញជាតិ អ៊ុយក្រែន ប៉ុណ្ណោះ បើលោកខាង លិចព្រមតាមការទាមទាររបស់ រុស្ស៊ី (មានវីដេអូ)

បានផុស

នៅ

ប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រាប់មេដឹកនាំបារាំង និងអាល្លឺម៉ង់ថា ទីក្រុងមូស្គូត្រៀមខ្លួនជាស្រេច និងចាំតែស្វែងរកមធ្យោបាយដឹកជញ្ជូនគ្រាប់ធញ្ញជាតិដែលជាប់គាំងនៅក្នុងកំពង់ផែអ៊ុយក្រែនប៉ុណ្ណោះ ប៉ុន្តែបានទាមទារឲ្យលោកខាងលិចដកទណ្ឌកម្មជាមុនសិន ចំពេលមានវិបត្តិស្បៀងអាហារពិភពលោកកំពុងកើនឡើង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការហៅទូរស័ព្ទដ៏យូរជាមួយប្រធានាធិបតីបារាំង Emmanuel Macron និងអធិការបតីអាល្លឺម៉ង់ Olaf Scholz កាលពីថ្ងៃសៅរ៍ លោក Putin បាននិយាយថា ការលំបាកក្នុងការផ្គត់ផ្គង់គ្រាប់ធញ្ញជាតិទៅកាន់ទីផ្សារពិភពលោក គឺដោយសារតែលទ្ធផលខុសឆ្គងនៃគោលនយោបាយសេដ្ឋកិច្ច និងហិរញ្ញវត្ថុរបស់បណ្តាប្រទេសលោកខាងលិច ។

វិមានក្រឹមឡាំងបាននិយាយថា “រុស្ស៊ីត្រៀមខ្លួនជាស្រេចដើម្បីជួយស្វែងរកជម្រើសសម្រាប់ការនាំចេញគ្រាប់ធញ្ញជាតិដែលមិនមានការរារាំង រួមទាំងការនាំចេញគ្រាប់ធញ្ញជាតិអ៊ុយក្រែនពីកំពង់ផែសមុទ្រខ្មៅផងដែរ” ។

វិមានក្រឹមឡាំងបញ្ជាក់ថា “ការកើនឡើងនៃការផ្គត់ផ្គង់ជី និងផលិតផលកសិកម្មរបស់រុស្ស៊ីក៏នឹងជួយកាត់បន្ថយភាពតានតឹងនៅលើទីផ្សារម្ហូបអាហារពិភពលោកផងដែរ ហើយជាការពិតណាស់ វានឹងទាមទារឲ្យមានការដកចេញនូវទណ្ឌកម្មពាក់ព័ន្ធ” ។

គួរបញ្ជាក់ថា ការវាយលុករបស់រុស្ស៊ីនៅអ៊ុយក្រែន និងទណ្ឌកម្មលោកខាងលិចបានរំខានការផ្គត់ផ្គង់ជី ស្រូវសាលី និងទំនិញផ្សេងទៀតពីប្រទេសទាំងពីរ ដោយជំរុញឲ្យមានការព្រួយបារម្ភអំពីហានិភ័យនៃភាពអត់ឃ្លាននៅជុំវិញពិភពលោក ដោយសារតែរុស្ស៊ី និងអ៊ុយក្រែនគឺជាប្រទេសផលិតស្រូវសសាលីបាន ៣០ ភាគរយនៃការផ្គត់ផ្គង់លើពិភពលោក ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ លោក Putin ព្រមានពីភាពធ្ងន់ធ្ងរបន្ថែមទៀត បើលោកខាងលិចនៅតែផ្ដល់អាវុធឲ្យ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២២ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៤ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២៣ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២១ ម៉ោង មុន

នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន

Sokha Hotels

ព័ត៌មានពេញនិយម