ព័ត៌មានអន្ដរជាតិ
លោក Sergei Lavrov ប្រាប់ពី អាទិភាព របស់ រុស្ស៊ី
រដ្ឋមន្ត្រីការបរទេសរុស្ស៊ី លោក Sergei Lavrov បាននិយាយកាលពីថ្ងៃអាទិត្យទី២៩ខែឧសភាថា ការរំដោះតំបន់ Donbas របស់អ៊ុយក្រែន គឺជា “អាទិភាពដោយគ្មានលក្ខខណ្ឌ” សម្រាប់រដ្ឋាភិបាលទីក្រុងមូស្គូ ខណៈដែលទឹកដីអ៊ុយក្រែនផ្សេងទៀត គួរតែសម្រេចអនាគតរបស់ពួកគេដោយខ្លួនឯង។

លោក Lavrov បាននិយាយបែបនេះ នៅក្នុងបទសម្ភាសន៍ជាមួយប៉ុស្តិ៍ទូរទស្សន៍ TF1 របស់បារាំង ខណៈរុស្ស៊ី បន្តការវាយលុករបស់ខ្លួនដើម្បីគ្រប់គ្រងទីក្រុងសំខាន់ៗនៅ Donbas ដែលជាបេះដូងឧស្សាហកម្មប្រពៃណីរបស់អ៊ុយក្រែន។
លោកបានរំលឹកឡើងវិញនូវការអះអាងរបស់ទីក្រុងមូស្គូដែលថា “ប្រតិបត្តិការយោធាពិសេស” របស់ខ្លួនក្នុងប្រទេសអ៊ុយក្រែន គឺដើម្បីភាពគ្មានយោធានៅប្រទេសជិតខាងរបស់ខ្លួន បន្ទាប់ពីរលកនៃការពង្រីកទៅភាគខាងកើតរបស់អង្គការណាតូ និងបោសសម្អាតអ៊ុយក្រែន ពីអ្វីដែលខ្លួនមើលឃើញថាជា “មនោគមន៍ណាស៊ី” ដែលបំផុសគំនិតជាតិនិយម។

ទោះបីជាយ៉ាងណាក៏ដោយ ទីក្រុង កៀវ និងបណ្តាប្រទេសលោកខាងលិច ចាត់ទុកការអះអាងទាំងនោះថា ជាលេសគ្មានមូលដ្ឋានសម្រាប់ការរំលោភយកដី។
ក្នុងរយៈពេលប៉ុន្មានសប្តាហ៍ថ្មីៗនេះ ប្រទេសរុស្ស៊ីបានផ្តោតការវាយលុករបស់ខ្លួនលើតំបន់ Donbas ក្រោយពេលដកថយពីទីក្រុង កៀវ និងតំបន់ផ្សេងទៀតរបស់អ៊ុយក្រែន។

ការលុកលុយ ដែលឥឡូវឈានចូលដល់ខែទី៤ គឺបានសម្លាប់មនុស្សរាប់ពាន់នាក់ក្នុងប្រទេសអ៊ុយក្រែន និងរាប់លាននាក់ផ្លាស់ទីលំនៅ។
យោងតាមអង្គការសហប្រជាជាតិ ជនភៀសខ្លួនជាង ៦.៧លាននាក់បានភៀសខ្លួនចេញពីប្រទេសអ៊ុយក្រែនចាប់តាំងពីថ្ងៃទី ២៤ ខែកុម្ភៈមក៕
ប្រែសម្រួល៖ Vann Vann
ប្រភព៖ Reuters
ចុចអាន៖ មិនធ្លាប់មានសោះ! ប្រជាជនលីទុយអានី នាំគ្នារៃលុយ ទិញយន្តហោះគ្មានមនុស្សបើក ស៊េរីទំនើប ឲ្យ អ៊ុយក្រែន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ