អ៊ុយក្រែន លាតត្រដាងទំហំទឹកប្រាក់ដែលខ្លួនទទួលបានពី លោកខាងលិច

ធនាគារជាតិអ៊ុយក្រែន បានបង្ហាញថា ទីក្រុងកៀវ បានទទួលជំនួយជាទឹកប្រាក់ និងប្រាក់កម្ចីជិត ៦.៥ពាន់លានដុល្លារពីដៃគូរបស់ខ្លួន ចាប់តាំងពីការចាប់ផ្តើម ប្រតិបត្តិការយោធាពិសេសរបស់រុស្ស៊ី។

លោកស្រី Ekaterina Rozhkova ទេសាភិបាលរងទីមួយនៃធនាគារជាតិអ៊ុយក្រែន បាននិយាយថា “ចាប់តាំងពីការចាប់ផ្តើមនៃប្រតិបត្តិការយោធាមក អ៊ុយក្រែនបានទទួលទឹកប្រាក់ជិត ៦.៥ពាន់លានដុល្លារពីប្រទេសជាដៃគូ ដើម្បីគាំទ្រសេដ្ឋកិច្ច”។

ទោះបីជាយ៉ាងណាក៏ដោយ មន្ត្រី​រូប​នេះ​មិន​បាន​បញ្ជាក់​ពី​ទំហំ​ប្រាក់កម្ចី​និង​ជំនួយ​​សរុប​ទេ ដោយ​គ្រាន់​តែ​និយាយ​ថា ​អត្រា​ការ​ប្រាក់​ទាបប៉ុណ្ណោះ។

លោកស្រី Rozhkova បានកត់សម្គាល់ថា អ៊ុយក្រែនត្រូវការទឹកប្រាក់ប្រហែល ៥ ពាន់លានដុល្លារជារៀងរាល់ខែ ដើម្បីទូទាត់ឱនភាពរបស់រដ្ឋាភិបាល ហើយទីក្រុង កៀវ រំពឹងថា ដៃគូអន្តរជាតិរបស់ខ្លួននឹងជួយរកប្រាក់ នាពេលអនាគត៕

ប្រែសម្រួល៖ Vann Vann

ប្រភព៖ Sputnik

ចុចអាន៖ លោក Sergei Lavrov ប្រាប់ពី អាទិភាព របស់ រុស្ស៊ី